ଓଡ଼ିଆ ବାର୍ତ୍ତା/ ଗଜପତି (ଗଣେଶ କୁମାର ରାଜୁ): ଗଜପତି ଜିଲ୍ଲା ଆର.ଉଦୟଗିରି ବ୍ଲକ ଅନ୍ତର୍ଗତ ନିର୍ମାଣଧିନ ଛେଳିଗଡ଼ ଜଳସେଚନ ପ୍ରକଳ୍ପକୁ ଜିଲ୍ଲାପାଳ ଶ୍ରୀମତୀ ଏମ: ମଧୁମିତା ପରିଦର୍ଶନ କରିଛନ୍ତି । ପ୍ରଥମେ କୁଆଁପଡା ଓ ମୂଷାଡଲି ଗ୍ରାମ ନିକଟସ୍ଥ ଛେଳିଗଡ ଜଳସେଚନ ପ୍ରକଳ୍ପ ଅନ୍ତର୍ଗତ ନିର୍ମିତ ଟନେଲ୍ ପରିଭ୍ରମଣ କରି ଛେଳିଗଡ ଗ୍ରାମ ପାର୍ଶ୍ବରେ ନିର୍ମାଣ ହେବାକୁ ଥିବା ଡ୍ୟାମସ୍ଥଳ ଓ ବଡଜୋର ନଦୀ ପରିଦର୍ଶନ କରିଥିଲେ । ଏହାପରେ ଜିଲ୍ଲାପାଳ ପିଲିସୁଗୁବା ଠାରେ ନିର୍ମାଣଧୀନ ବିସ୍ଥାପିତ କଲୋନୀରେ ପହଞ୍ଚି କଲୋନୀର ବିକାଶ କରିବା ନିମନ୍ତେ ଅଧିକାରୀମାନଙ୍କୁ ନିର୍ଦ୍ଧେଶ ଦେଇଥିଲେ । ସେହିପରି ସଇଲଙ୍ଗ ଠାରେ ନିର୍ମିତ ବିଦ୍ୟାଧରପୁର ବିସ୍ଥାପିତ କଲୋନୀକୁ ଭ୍ରମଣ କରି ସେଠାରେ ବିକଶିତ କାର୍ଯ୍ୟକଳାପର ସମୀକ୍ଷା କରିଥିଲେ ଓ ବିସ୍ଥାପିତ ପରିବାର ମାନଙ୍କ ସହ ପୁଙ୍ଖାନୁପୁଙ୍ଖ ଆଲୋଚନା କରି ସେମାନଙ୍କର ସମସ୍ୟାର ଅଭିଯୋଗ ବୁଝିଥିଲେ । ଆଜିର ଏହି ଗସ୍ତ ସମୟରେ ସ୍ବତନ୍ତ୍ର-ଭୂଅର୍ଜନ ତଥା ଥଇଥାନ ଓ ପୁନର୍ବସତି ଅଧିକାରୀ ଶ୍ରୀ ରବୀନ୍ଦ୍ର ନାଥ କହଁର , ଛେଳିଗଡ ଜଳସେଚନ ପ୍ରକଳ୍ପ ଅଧୀକ୍ଷଣ ଯନ୍ତ୍ରୀ ଶ୍ରୀ ବିରେନ୍ଦ୍ର କୁମାର ଜଗତ , ରା.ଉଦୟଗିରି ତହସିଲଦାର ଶ୍ରୀ ଜ୍ୟୋତିର୍ମୟ ଦାଶ , ମଣ୍ଡଳ ଅଧିକାରୀ ଶ୍ରୀ ଶିବାଶୀଷ ପଣ୍ଡା ଓ ଶ୍ରୀ ଭୋଳାନାଥ ବେହେରା , ସହକାରୀ ନିର୍ବାହୀ ଯନ୍ତ୍ରୀ ଶ୍ରୀ ଲକ୍ଷ୍ମୀ ଚରଣ ମିଶ୍ର, ସହକାରୀ ଯନ୍ତ୍ରୀ ଶ୍ରୀ ଜୟନ୍ତ ନାୟକ , ଶ୍ରୀ ନିରଞ୍ଜନ ରେଡ୍ଡୀ ସହ ଅନ୍ୟାନ୍ୟ କର୍ମଚାରୀ ଉପସ୍ଥିତ ଥିଲେ। ଜିଲ୍ଲାପାଳ ପ୍ରକଳ୍ପ ରେ ଅଂଶୀଦାର ଲୋକ ମାନଙ୍କ ସହ ଆଲୋଚନା କରି ସେମାନଙ୍କ ସମସ୍ୟା ବୁଝିବା ସହିତ ଡ୍ୟାମ କାର୍ଯ୍ୟ ଶୀଘ୍ର ଶେଷ କରି ପଦକ୍ଷେପ ନେବାକୁ ବିଭାଗୀୟ ଯନ୍ତ୍ରୀ ଓ ଅଧିକାରୀ ମାନଙ୍କୁ ନିର୍ଦ୍ଦେଶ ଦେଇଥିଲେ ।
