ଓଡ଼ିଆ ବାର୍ତ୍ତା/ ଟିକ୍ରାପଡ଼ା (ରମାକାନ୍ତ ରାଜପଲିଆ):
ସଇଁତଳା ବ୍ଲକ କରମତଲା ପଞ୍ଚାୟତ ଛନଛଡ଼ା ସରକାରୀ ଉଚ୍ଚ ପ୍ରାଥମିକ ବିଦ୍ୟାଳୟ ଠାରେ ସିଆରସିସି ପ୍ରମୋଦ କୁମାର ବୁଡ଼େକଙ୍କ ଅଧ୍ୟକ୍ଷତାରେ କ୍ଳଷ୍ଟରସ୍ତରୀୟ “ଆସ ସ୍କୁଲ ଯିବା” ପଦଯାତ୍ରା, ଶିକ୍ଷା ସଭା ଓ ସଚେତନତା ପଦଯାତ୍ରା ଅନୁଷ୍ଠିତ ହୋଇଯାଇଛି | ସଭାରେ ସ୍ଥାନୀୟ ସରପଞ୍ଚ ତିଳୋତ୍ତମା ବାଗ ମୁଖ୍ୟ ଅତିଥି, ଛନଛଡ଼ା ଉଚ୍ଚ ପ୍ରାଥମିକ ବିଦ୍ୟାଳୟ ପ୍ରଧାନ ଶିକ୍ଷକ ଦୁର୍ଯ୍ୟୋଧନ ସେନାପତି ସମ୍ମାନିତ ଅତିଥି ଭାବେ ଯୋଗଦେଇ ବକ୍ତବ୍ୟ ପ୍ରଦାନ କରିଥିଲେ | ଅନ୍ୟମାନଙ୍କ ମଧ୍ୟରେ ଅଙ୍ଗନୱାଡି କର୍ମୀ ସୁଚିତ୍ରା ସିଂ ବୁଡ଼େକ, ଆଶାକର୍ମୀ ସତ୍ୟଭାମା ବୁଡ଼େକ, ୱାର୍ଡ଼ ସଭ୍ୟ ଭୁବନ ରଣା, ଦାମ ମହାକୁର, ବିଭିନ୍ନ ବିଦ୍ୟାଳୟର ସଭାପତି, ଆଲୁମିନୀ, ଡ୍ରପଆଉଟ ପିଲାଙ୍କ ଅଭିଭାବକ ଉପସ୍ଥିତ ରହିଥିଲେ | ଏହି ଅବସରରେ “ଆସ ସ୍କୁଲ ଯିବା” ୯ ଜଣିଆ କ୍ଳଷ୍ଟରସ୍ତରୀୟ କମିଟି ଗଠନ କରାଯାଇଥିଲା |ଛନଛଡ଼ା ପ୍ରାଥମିକ ବିଦ୍ୟାଳୟ ପ୍ରଧାନ ଶିକ୍ଷକ ବସନ୍ତ ଭୋଇ ଧନ୍ୟବାଦ ଅର୍ପଣ କରିଥିଲେ | ବୀରେନ୍ଦ୍ର ଭୋଇ, ଗଙ୍ଗାଧର ପୋଢ଼, କୁମୁଦ ମେହେର, ଦେବାନନ୍ଦ ମହାକୁର, ଘନଶ୍ୟାମ ବେହେରା, ଜୀବର୍ଦ୍ଧନ ମେହେର, ଏକାମ୍ର ହେମ୍ବ୍ରମ, ମମତା କଦମ ପ୍ରମୁଖ ଶିକ୍ଷକ ଶିକ୍ଷୟିତ୍ରୀ କାର୍ଯ୍ୟକ୍ରମ ପରିଚାଳନାରେ ସହଯୋଗ କରିଥିଲେ |
