ଓଡ଼ିଆ ବାର୍ତ୍ତା/ ଜୁନାଗଡ଼ (ସ୍ବାସ୍ତିଦୀପ ଆଦିତ୍ୟ): ବର୍ଷେ ବର୍ଷେ ବନ୍ଦ ଥିଲା ଜୁନାଗଡ଼ ସ୍ଥିତ ବିସିସି ବ୍ୟାଙ୍କ ଏଟିଏମ୍ କେନ୍ଦ୍ର । ଏହାକୁ ନେଇ ସ୍ଥାନୀୟ ଚାଷୀ ଓ ସାଧାରଣ ଗ୍ରାହକମାନେ ଦୀର୍ଘଦିନ ଧରି ହନ୍ତା-ସନ୍ତା ହେଉଥିଲେ । ଟଙ୍କା ଉଠାଇପାରିବା ନଥିବାରୁ ସେମାନଙ୍କ କୃଷି କାମ ସହିତ ଦୈନିକ ଜୀବନଯାପନରେ ଗୁରୁତର ସମସ୍ୟା ଉପୁଜିଥିଲା । ଏହି ସମସ୍ୟା ସମ୍ପର୍କରେ ଓଡ଼ିଆ ବାର୍ତ୍ତାରେ ଖବର ପ୍ରସାରଣ ହେବାପରେ ବ୍ୟାଙ୍କ ପ୍ରଶାସନ ତ୍ୱରିତ ପଦକ୍ଷେପ ନେଇଛି । ଖବର ପ୍ରସାରଣର ଗୋଟିଏ ଦିନ ମଧ୍ୟରେ ଏଟିଏମ୍ ମରାମତି କରାଯାଇ ପୁଣିଥରେ ଚାଲୁ କରାଗଲା । ଏହା ପରେ ଚାଷୀମାନେ ଖୁସି ବ୍ୟକ୍ତ କରି କହିଛନ୍ତି ଯେ,ଏବେ ସମୟରେ ଟଙ୍କା ଉଠାଇ କୃଷି କାମ କରିପାରିବୁ । ସାଧାରଣ ଗ୍ରାହକମାନେ ମଧ୍ୟ କହିଛନ୍ତି ଯେ ଏହା ଦ୍ୱାରା ବ୍ୟାଙ୍କରେ ଭିଡ଼ କମିବ ଓ ଟଙ୍କା ଉଠାଇବା ସହଜ ହେବ । ବ୍ୟାଙ୍କ ପ୍ରଶାସନ କହିଛନ୍ତି ଯେ, ଗ୍ରାହକଙ୍କ ସୁବିଧାକୁ ଧ୍ୟାନରେ ରଖି ଶୀଘ୍ର ମରାମତି କରି ଏଟିଏମ୍ କେନ୍ଦ୍ରକୁ ଚାଲୁ କରାଯାଇଛି । ଖବର ପ୍ରସାରଣର ପ୍ରଭାବରେ ଏହି ତ୍ୱରିତ କାର୍ଯ୍ୟ ସମ୍ଭବ ହୋଇଛି । ଲୋକମାନେ ମାଧ୍ୟମର ଭୂମିକାକୁ ଗୁରୁତ୍ୱ ଦେଇ ପ୍ରଶଂସା କରିଛନ୍ତି ଓ ଏଟିଏମ୍ ସେବା ସବୁଦିନ ପାଇଁ ଚାଲୁ ରହିବ ବୋଲି ଆଶା ପ୍ରକାଶ କରିଛନ୍ତି । ଏହିପରି, ଗୋଟିଏ ଖବର ପ୍ରସାରଣ କିପରି ସ୍ଥାନୀୟ ସମାଜରେ ସକାରାତ୍ମକ ପରିବର୍ତ୍ତନ ଆଣିପାରେ ତାହା ଜୁନାଗଡ଼ରେ ପ୍ରମାଣିତ ହୋଇଛି ।
