ବଲାଙ୍ଗିର,୯/୯ : ବାର ମାସରେ ତେର ଓଷା ପାଇଁ ସାରା ଦେଶରେ ପ୍ରସିଦ୍ଧି ଲାଭ କରିଥିବା ଓଡିଶାର ଏକ ନିଜସ୍ବ ଓଷା ହେଉଛି ଖୁଦୁରୁକୁଣୀ ଓଷା । ମା’ ମଙ୍ଗଳାଙ୍କୁ ସନ୍ତୁଷ୍ଟ କରିବାସହ ଭାଇର ଶୁଭ ମନାସୀ ଓଷା ପାଳନ କରିଥିନ୍ତି ଓଡିଆଣୀ ଝିଅ ବୋହୁ ।
ସେହି କ୍ରମରେ କଳା ସଂସ୍କୃତି, ଐତିହ୍ୟ ପରମ୍ପରାରର ସହର ବଲାଙ୍ଗିରର ବିଭିନ୍ନ ସ୍ଥାନରେ ଖୁଦୁରୁକୁଣୀ ଓଷା ପ୍ରବଳ ଉତ୍ସାହ ଉଦ୍ଦିପନା ସହ ପାଳିତ ହୋଇଥିଲା । ସହରର ହାଟପଦା ପଡା ପୂଜା ମଣ୍ଡପରେ ମାସର ପ୍ରତ୍ୟେକ ରବିବାର ଦିନ ପୂଜା ପାଇ ଆସୁଥିଲେ ମା’ ଖୁଦୁରୁକୁଣୀ ।
ଗତକାଲି ଶେଷ ପାଳି ଥିବାରୁ ଏହି ପୂଜା ମଣ୍ଡପ ଠାରେ ପ୍ରବଳ ଭିଡ ପରିଳକ୍ଷିତ ହୋଇଥିଲା । ଭଜନ, କୀର୍ତନରେ କମ୍ପି ଉଠୁଥିଲା ପୂଜା ମଣ୍ଡପ । ଓଷାଧାରି ମାନେ ଅତ୍ୟନ୍ତ ନିଷ୍ଠା ଓ କାଷ୍ଠାର ସହ ପାଳନ କରିଥିଲେ ଏହି ଓଷା । ବାଲ୍ୟ ଭୋଜନର ସୁବ୍ୟବସ୍ଥା ସହ ପୂଜା ସାଙ୍ଗକରି ନିଜ ନିଜ ଘରକୁ ଆନନ୍ଦ ମନରେ ସମସ୍ତେ ବାହୁଡ଼ି ଥିଲେ ।
ବଲାଙ୍ଗିରରୁ ସଞ୍ଜୟ କୁମାର ମିଶ୍ରଙ୍କ ରିପୋର୍ଟ odiabarta.in
Click here to get daily News & Views update 👇
https://bit.ly/OBgroup
