ଜୁନାଗଡ/କୋକସରା,୨୨/୯ : କୋକସରା ବ୍ଲକ ଅନ୍ତର୍ଗତ ମୋଟେର ରାଜୀବ ଭବନ ଠାରେ ଆଜି କଳାହାଣ୍ଡି ଜିଲ୍ଲା କୋଶଲା ମାଳୀ (ପଟେଲ) ସମାଜର ନୂଆଖାଇ ଭେଟଘାଟ ଆୟୋଜିତ ହୋଇଯାଇଛି । ଏଥିରେ ମୁଖ୍ୟ ଅତିଥି ଭାବେ ଜିଲ୍ଲା କୋଶଲା ମାଳୀ ସମାଜ ସଭାପତି ଲକ୍ଷ୍ମୀକାନ୍ତ ନାଏକ ଯୋଗ ଦେଇ ସମାଜରୁ କୁସଂସ୍କାର ଓ ଅନ୍ଧ ବିଶ୍ବାସ ଦୂର କରିବାକୁ ଆହ୍ବାନ ଦେବାସହ ସମାଜର ବିଭିନ୍ନ ଦିଗ ଉପରେ ଆଲୋକପାତ କରିଥିଲେ ।
ଏହି ଭବ୍ୟ କାର୍ଯ୍ୟକ୍ରମରେ ସମ୍ମାନିତ ଅତିଥି ଭାବେ ସଂପାଦକ ପବିତ୍ର ପଟେଲଙ୍କ ସହ ଦୁର୍ଯୋଧନ ପଟେଲ, ଘନଶ୍ୟାମ ପଟେଲ, ସଞ୍ଜୟ ପଟେଲ, ବଳରାମ ପଟେଲ ପ୍ରମୁଖ ମଞ୍ଚାସୀନ ଥିଲେ । ଉକ୍ତ ଭେଟଘାଟ କାର୍ଯ୍ୟକ୍ରମରେ ଜିଲ୍ଲାର ବିଭିନ୍ନ ପ୍ରାନ୍ତରୁ କୋଶଲା ମାଳୀ ସମାଜର ଲୋକେ ଉପସ୍ଥିତ ରହି କାର୍ଯ୍ୟକ୍ରମକୁ ସଫଳ କରିଥିଲେ ।
ଜୁନାଗଡ ପ୍ରତିନିଧି ରାକେଶ ବେମାଲଙ୍କ ରିପୋର୍ଟ odiabarta.in
Like us on Facebook👇
http://facebook.com/odiabarta
