ରାୟଗଡ,୧୯/୧୦ : ନୀତି ଆୟୋଗର ଆକାଂକ୍ଷୀ ରାୟଗଡ ଜିଲ୍ଳାରେ ଆଇଟିସି ମିଶନ ସୁନହେରା କାଲ ପ୍ରୟୋଜକ ଓ ମାସ୍ ସଂସ୍ଥା, ଆୟୋଜକଙ୍କ ଦ୍ୱାରା ଗ୍ରାମ ବିଶେଷଜ୍ଞ ବ୍ୟକ୍ତି (ଭିଆରପି)ପାଇଁ ସ୍ଥାନୀୟ ଜଳ ବିଭାଜିକା ମିଶନ କାର୍ଯ୍ୟାଳୟର ସମ୍ମିଳନୀ କକ୍ଷରେ ଶନିବାର ଦିନ ଏକ ଦିବସୀୟ କର୍ମଶାଳା ଏବଂ ପ୍ରଶିକ୍ଷଣ ଶିବିର କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି ।
ଏହି ଶିବିରରେ ଜିଲ୍ଳା ମୁଖ୍ୟ କୃଷି ଅଧିକାରୀ ପ୍ରଦୀପ କୁମାର ରଥ ମୁଖ୍ୟ ଅତିଥି ଭାବେ ଯୋଗଦେଇ ଦୀପ ପ୍ରଜ୍ଜଳନ ପୂର୍ବକ କାର୍ଯ୍ୟକ୍ରମର ଶୁଭାରମ୍ଭ କରିଥିବା ବେଳେ ଏପରି କାର୍ଯ୍ୟକ୍ରମ ଦ୍ୱାରା ନୀତି ଆୟୋଗଙ୍କ ଆକାଂକ୍ଷୀ ରାୟଗଡ ଜିଲ୍ଳାରେ ଚାଷ, ପ୍ରାଣୀ ଓ ଅନ୍ୟ କ୍ଷେତ୍ରରେ କିପରି ଉନ୍ନତୀ ହୋଇ ପାରିବ ଯଦ୍ୱାରା ରାୟଗଡ ଜିଳ୍ଳାରେ ସିଓସି ଡ୍ୟାସବୋର୍ଡ ଉନ୍ନତୀ ହେବ ଏବଂ ଏହା ଆକାଂକ୍ଷୀ ଜିଲ୍ଳା ହୋଇ ଆଉ ରହିବ ନାହିଁ ବୋଲି କହିଥିଲେ । ସେହିପରି ଆଇଟିସି ମିଶନ ସୁନହେରା କାଲ ଆକାଂକ୍ଷୀ ଜିଲ୍ଳାରେ ସର୍ବଦା ସମଗ୍ର କୃଷି ବିକାଶ ନିମନ୍ତେ ଦକ୍ଷତା ବୃଦ୍ଧି କାର୍ଯ୍ୟକ୍ରମ ଅନୁଷ୍ଠିତ କରାଯାଇଥାଏ ବୋଲି ଆଇଟିସିର ସିନିୟର ପ୍ରୋଗାମ ମ୍ୟାଜେନର ପ୍ରବଣ ନାୟକ ପ୍ରକାଶ କରିଥିଲେ । ଏହି ବୈଠକରେ ମୁଖ୍ୟତଃ ଉପକୃଷି ଅଧିକାରୀ ଓ ବ୍ଳକ ବୈଷୟିକ ଟେକ୍ନିସିଆନମାନଙ୍କୁ ମାଷ୍ଟର ଟ୍ରେନର ହିସାବରେ ବଚ୍ଛାଯାଇ କାସ୍କେଡ (ପର୍ଯ୍ୟାୟନୁକ୍ରମେ)ପ୍ରଶିକ୍ଷଣ କାର୍ଯ୍ୟକ୍ରମ (ରବି-୨୦୧୯)କୁ ଆଗକୁ ନେବା ପାଇଁ ପ୍ରଶିକ୍ଷଣ ଦିଆଯାଇଥିଲା ।
ଏଥିରେ ଜମି ପ୍ରସ୍ତୁତି କରଣ, ବିହନ ଚୟନ ଓ ଉପଚାର, ବିହନ ଲଗାଇବା, ସାର ପ୍ରୟୋଗ, ଘାସ ଦମନ, ଜଳ ସେଚନ ପରିଚାଳନା, ସମନ୍ୱିତ କୀଟ ନିୟନ୍ତ୍ରଣ, କୀଟ ପତଙ୍ଗ ନିୟନ୍ତ୍ରଣ, ରୋଗ ନିୟନ୍ତ୍ରଣ, ଅମଳ, ସଂରକ୍ଷଣ ଓ ସରକାରୀ ଯୋଜନାକୁ ଅନିବାର୍ଯ୍ୟ ରୂପରେ ଆହରଣ କରିବା ଆଦି ବିଷୟଗୁଡିକରେ ଉଚ୍ଚାକାଂକ୍ଷୀ ଚାଷିଙ୍କୁ ସଠିକ ଉପଦେଶ, କମ ଖର୍ଚ୍ଚ କରିବା ଓ ଅଧିକ ଅମଳ ପାଇବା ପାଇଁ ବୁଝେଇବା ଏବଂ ସଜାର ରହିବା ଆଦି ସଂପର୍କରେ ମାଷ୍ଟର ଟ୍ରେନର ମାନଙ୍କୁ ପ୍ରଶିକ୍ଷଣ ପ୍ରଦାନ କରାଯାଇଥିଲା । ଏହି ପ୍ରଶିକ୍ଷଣ ଶିବିରରେ ଅନ୍ୟମାନଙ୍କ ମଧ୍ୟରେ ଜିଲ୍ଳା କୃଷି ଅଧିକାରୀ କୃଷ୍ଣଚନ୍ଦ୍ର ସିଂ, ମୁନିଗୁଡା କୃଷି ଅଧିକାରୀ ରିଲିଜସ୍ ବେକ୍, ଡିପିଡି- ଆତ୍ମା, ମାସ୍ ସଂସ୍ଥାର ଜିଲ୍ଳା ସଂଯୋଜକ କିରଣ କୁମାର ଦାଶ ଓ କର୍ମକର୍ତା ଦେବେନ୍ଦ୍ର ଗୈାଡ, ନିରଂଜନ ସାହୁ ପ୍ରମୁଖ ଉପସ୍ଥିତ ରହିଥିଲେ ।
ରାୟଗଡରୁ ଶିବ ନାରାୟଣ ଗୌଡଙ୍କ ରିପୋର୍ଟ odiabarta.in
ଏଠି ଛୁଇଁ ସବୁ ଖବର ଓ ବିଚାର ସୂଚନା ପାଆନ୍ତୁ ମାଗଣାରେ
https://facebook.com/odiabarta
