ନର୍ଲା,୫/୧ : କିଛି ସମୟ ପୂର୍ବରୁ ଏକ ମର୍ମନ୍ତୁଦ ସଡକ ଦୁର୍ଘଟଣାରେ ଜଣେ ବ୍ୟକ୍ତିଙ୍କ ମୃତ୍ୟୁ ହୋଇ ଯାଇଥିବା ବେଳେ ଅନ୍ୟଜଣେ ଗୁରୁତର ଅଛନ୍ତି । ଘଟଣା ହେଉଛି କଳାହାଣ୍ଡି ଜିଲ୍ଲା ନର୍ଲା ଥାନା ସରିଆଁ ଏବିସି ଛକ ନିକଟରେ । ପ୍ରାପ୍ତ ସୂଚନାରୁ ପ୍ରକାଶଯେ, ସରିଆଁ ଗାଁର ବିଦ୍ୟା ମାଝୀ (୪୫) ଚିଆଁପଦର ପଟୁ ନିଜ ଗାଁକୁ ସାଇକେଲ ଯୋଗେ ଫେରୁଥିବା ସମୟରେ ଏବିସି ଛକରୁ ୧୦୦ମିଟର ଦୂରରେ ବିପରିତ ଦିଗରୁ ଆସୁଥିବା ଅର୍ଜୁନ ଗାଁର ବାଇକ ଚାଳକ ବଳବନ୍ତ ମାହାର ତାଙ୍କୁ ଧକ୍କା ଦେଇଥିଲେ । ଘଟଣା ସ୍ଥଳରେ ବିଦ୍ୟା ମାଝୀଙ୍କ ମୃତ୍ୟୁ ହୋଇ ଯାଇଥିବା ବେଳେ ବାଇକ ଚାଳକ ଗୁରୁତର ହୋଇ ପଡିଛନ୍ତି ।

ଗୁରୁତର ଓ ମୃତକଙ୍କୁ ଆମ୍ବୁଲାନ୍ସ ଯୋଗେ ଡାକ୍ତରଖାନାକୁ ନିଆଯାଇଛି । ନର୍ଲା ପୋଲିସ ଘଟଣା ସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଛି । ଏପଟେ ମୃତ ବ୍ୟକ୍ତି ପରିବାରର ଏକମାତ୍ର ରୋଜଗାରକ୍ଷମ ବ୍ୟକ୍ତି ଓ ତାଙ୍କର ୩ଝିଅ ଓ ଗୋଟିଏ ପୁଅ ଥିବା ଜଣାପଡିଛି । ମୃତ ବିଦ୍ୟା ମାଝୀଙ୍କ ପରିବାରକୁ ସରକାରୀ ସହାୟତା ଯୋଗାଇଦେବା ପାଇଁ ସାଧାରଣରେ ଦାବି ହୋଇଛି ।