ପୁରୀ,୧୬/୩ : ଶ୍ରୀଜଗନ୍ନାଥ ମନ୍ଦିରରେ ସୁରକ୍ଷିତ ପୂଜା ଓ ଦର୍ଶନ ବ୍ୟବସ୍ଥା ସହ କରୋନା ସଂକ୍ରମଣ ରୋକିବା ପାଇଁ କେତେକ ବ୍ୟବସ୍ଥା ଗ୍ରହଣ କରାଯାଇଛି । ଏହି କ୍ରମରେ ଶ୍ରୀମନ୍ଦିରରେ କେତେକ ପୂଜାବିଧି ଏବଂ ପରମ୍ପରା ଉପରେ କଟକଣା କରାଯାଇଛି । ଧାଡି ମାଧ୍ୟମରେ ଭିତର କାଠ ନିକଟରୁ ଭକ୍ତ ଶ୍ରଦ୍ଧାଳୁମାନେ ମହାପ୍ରଭୁଙ୍କ ଦର୍ଶନ କରିପାରିବେ । ଶ୍ରୀମନ୍ଦିରରେ ଅରୁଣ ସ୍ତମ୍ଭ, ଗରୁଡ ସ୍ତମ୍ଭ ତଥା କୌଣସି ଦେବାଦେବୀ, ବାହନଙ୍କ ମୂର୍ତ୍ତି କିମ୍ବା ଅନ୍ୟବସ୍ତୁକୁ ଛୁଇଁବା ଉପରେ କଟକଣା ଲାଗିଛି । ଜଗମୋହନ ଓ ଅରୁଣ ସ୍ତମ୍ଭ ନିକଟରେ ଜନସମାଗମ, ଆନନ୍ଦ ବଜାରରେ ବସି ଖାଇବା ଓ ଭୋଜନ ବ୍ୟବସ୍ଥା ଉପରେ ମଧ୍ୟ କଟକଣା ଜାରି କରାଯାଇଛି । ଶ୍ରୀମନ୍ଦିର ପ୍ରଶାସନ , ଜିଲ୍ଲା ପ୍ରଶାସନ ଏବଂ ପୋଲିସ ପ୍ରଶାସନର ସମସ୍ତ ଅଧିକାରୀ ଓ କର୍ମଚାରୀ ଶ୍ରୀମନ୍ଦିର ମଧ୍ୟରେ ମାସ୍କର ବ୍ୟବହାର ବାଧ୍ୟତାମୂଳକ କରାଯାଇଛି। ସେହିପରି ଶ୍ରୀମନ୍ଦିରରେ ପୂଜା ସମୟରେ ସେବାୟତ ମାସ୍କ ପିନ୍ଧିବେ । ଶ୍ରୀମନ୍ଦିରକୁ ଆସୁଥିବା ସମସ୍ତ ଭକ୍ତ ନିଜ ସମ୍ପର୍କରେ ନିର୍ଦ୍ଧାରିତ ଫର୍ମରେ ନିଜ ସମ୍ପର୍କରେ ସୂଚନା ଦେବେ । କରୋନା ସତର୍କତାକୁ ନେଇ ଶ୍ରୀମନ୍ଦିର ଛତିଶା ନିଯୋଗ ବୈଠକରେ ରବିବାର ଏହି ସବୁ ନିଷ୍ପତି ହୋଇଛି ।
ପୁରୀ ଜିଲ୍ଲାପାଳ ବଲୱନ୍ତ ସିଂଙ୍କ ଅଧକ୍ଷତାରେ ଆୟୋଜିତ ଶ୍ରୀମନ୍ଦିର ଛତିଶାନିଯୋଗ ବୈଠକରେ ଏସପି, ପ୍ରାଶାସନିକ ଅଧିକାରୀ, ନୀତି ପ୍ରଶାସକ ଓ ସେବାୟତମାନେ ଉପସ୍ଥିତ ଥିଲେ । ନୀତିକାନ୍ତି, ସେବାପୂଜା ଓ ଦର୍ଶନ ବ୍ୟବସ୍ଥା ଉପରେ ଆଲୋଚନା କରାଯାଇଛି ।
ଏଠି ଛୁଇଁ ସବୁ ଖବର ଓ ବିଚାର ସୂଚନା ପାଆନ୍ତୁ ମାଗଣାରେ
https://facebook.com/odiabarta
