କୋକସରା: ଆମପାଣି ରୁ ଧର୍ମଗଡ଼କୁ ସଂଯୋଗ କରୁଥିବା ବିଜୁ ଏକ୍ସପ୍ରେସ୍ ଓ୍ବେ ରେ ମଙ୍ଗଲବାର ପୃଥକ ପୃଥକ ୨ ଟି ଦୁର୍ଘଟଣା ଘଟିଯାଇଛି । ରାସ୍ତାର ରଏନଗୁଡା ନିକଟରେ ବୋଲେରୋ ଏବଂ ପିକ୍ଅଫ୍ ଭ୍ୟାନ ମୁହାଁମୁହି ଧକ୍କା ହେବାରୁ ୯ ରୁ ଉର୍ଦ୍ଧ ଆହତ ହୋଇଥିବା ଜଣାପଡିଛି । ଆହତଙ୍କୁ କୋକସରା ଓ ଆମପାଣି ଡାକ୍ତରଖାନାରେ ଭର୍ତ୍ତି କରି ଚିକିତ୍ସା କାରାଯାଉଛି। ସୂଚନା ଅନୁସାରେ, ମ୍ୟାକ୍ସ ପିକ୍ଅଫ୍ ଭ୍ୟାନ କିଛି ଶ୍ରମିକ ଙ୍କୁ ନେଇ ହାଇଦ୍ରାବାଦ ଯାଉଥିବାବେଳେ ନବରଙ୍ଗପୁର ପଟୁ ଧର୍ମଗଡ ଅଭିମୁଖେ ଯାଉଥିବା ଏକ ବୋଲେରୋ ସହ ଧକ୍କା ହୋଇଥିଲା । ଫଳରେ ମ୍ୟାକ୍ସ ପିକ୍ଅଫ୍ ଗାଡି ଓଲଟି ପଡି ୯ ରୁ ଉର୍ଦ୍ଧ ଆହତ ହୋଇଥିବା ଜଣାପଡିଛି । ସେମାନଙ୍କୁ ସ୍ଥାନୀୟ ଲୋକଙ୍କ ସାହାଯ୍ୟରେ ୧୦୮ ଗାଡିରେ ନେଇ ଡାକ୍ତର ଖାନାରେ ଭର୍ତ୍ତି କରାଯାଇଛି । ସମସ୍ତ ଶ୍ରମିକ ନୂଆପଡା ଜିଲ୍ଲା କୋମନା ବ୍ଲକ ଅଞ୍ଚଳର ବୋଲି ଜଣାପଡିଛି । ସେମାନଙ୍କୁ ଲାଠୋର ବ୍ଲକ ଖର୍ଲି ଗ୍ରାମର ନୀଳ ମେହେର ହାଇଦ୍ରାବାଦକୁ ଚାଲାଣ କରୁଥିବାବେଳେ ଏହି ଦୁର୍ଘଟଣା ଘଟିଥିବା ସୁଚନା ମିଳିଛି । ସମସ୍ତେ ଗୁରୁତରଙ୍କୁ ଆମପାଣି ଓ କୋକସରା ଡାକ୍ତରଖାନାରେ ପ୍ରାଥମିକ ଚିକିତ୍ସା କରାଯାଇଛି । ୨ ଜଣଙ୍କ ଅବସ୍ଥା ଗୁରୁତର ଥିବାରୁ ସେମାନଙ୍କୁ ଭବାନୀପାଟଣା ଡାକ୍ତରଖାନାକୁ ସ୍ଥାନାନ୍ତରିତ କରାଯାଇଥିବା ଜଣାପଡିଛି ।
ଅନ୍ୟପକ୍ଷେ ଏହି ବିଜୁ ଏକ୍ସ ପ୍ରେସ୍ ୱ ରାସ୍ତ ଭୁର୍ଷାଗୁଡା ସ୍କୁଲ ନିକଟରେ ଅଜଣା ଗାଡି ଧକ୍କାରେ ୨ ଜଣଙ୍କ ମୃତ୍ୟୁ ହୋଇଥିବା ବେଳେ ସେମାନଙ୍କର ପିନ୍ଧି ଥିବା ସାର୍ଟ ପ୍ୟାକେଟରୁ ୨ଟି ଆଧାର ମିଳିଛି ସେମାନେ ସାନପୋଡାଗୁଡ଼ା ପଞ୍ଚାୟତ ନିଗିଗୁଡା ଗ୍ରାମର ନୀଳକଣ୍ଠ ଗୋପାଳ ଓ ହେମନ୍ତ ଗୋପାଳ ବୋଲି ଜଣାପଡିଛି। ଦୁଃର୍ଘଟଣା ଘଟାଇ ଥିବା ଗାଡି ଘଟଣା ସ୍ଥଳରୁ ଫେରାର ହୋଇଯାଇଛି । ଘଟଣା ପରେ ଆମପାଣି ଥାନା ପୋଲିସ ପହଞ୍ଚି ତଦନ୍ତ ଜାରି ରଖିଛି।
କଳାହାଣ୍ଡି ଜିଲ୍ଲା କୋକସରାରୁ ହିରଣ୍ୟ ବେହେରାଙ୍କ ରିପୋର୍ଟ OdiaBarta.in
