କେସିଙ୍ଗା/ଭବାନୀପାଟଣା, (ବର୍ଦ୍ଧମାନ ଜୈନ): ପରୀକ୍ଷା ଘୁଞ୍ଚାଇବା ଦାବିରେ ଧାରଣା ଦେଇଛନ୍ତି କଳାହାଣ୍ଡି ବିଶ୍ୱବିଦ୍ୟାଳୟର ଛାତ୍ରଛାତ୍ରୀ। ସୋମବାର ଦିନ ଛାତ୍ରଛାତ୍ରୀମାନେ ବିଶ୍ୱବିଦ୍ୟାଳୟର ଫାଟକ ସାମ୍ନାରେ ଧରଣା ଦେଇଥିଲେ। ପ୍ରାପ୍ତ ସୂଚନା ଆଧାରରେ କଳାହାଣ୍ଡି ବିଶ୍ୱବିଦ୍ୟାଳୟର ତୃତୀୟ ସେମିଷ୍ଟାର ପରୀକ୍ଷା ଘୁଞ୍ଚାଇବା ପାଇଁ ଦାବିକରି ଶତାଧିକ ଛାତ୍ରଛାତ୍ରୀ ବିଶ୍ୱବିଦ୍ୟାଳୟ ସମ୍ମୁଖରେ ବିରୋଧ ପ୍ରଦର୍ଶନ କରିଥିଲେ। ଅନ୍ୟପକ୍ଷରେ କୋଭିଡ କଟକଣା ଯୋଗୁଁ କିଭଳି ଭାବେ କମ ସମୟ ମଧ୍ୟରେ ଛାତ୍ରଛାତ୍ରୀମାନେ ପରୀକ୍ଷା ଦେବେ ସେଥିନିମନ୍ତେ ବୁଦ୍ଧିଜୀବୀ ଓ ଅବିଭାବକ ମହଲରୁ ଉଦବେଗ ପ୍ରକାଶ ପାଇଛି।
