ଭବାନୀପାଟଣା: ବାପୁଜୀ କ୍ଳଷ୍ଟର ଅନ୍ତର୍ଗତ ପୁରୁଣାପଡା ଉ.ପ୍ରା. ଵିଦ୍ୟାଳୟ ପରିସରରେ କୋଭିଡ଼ ନିୟମ ମାନି ପୋଷାକ ବିତରଣ ଉତ୍ସବ ଅନୁଷ୍ଠିତ ହୋଇଯାଇଛି। ଉକ୍ତ ସଭାରେ ବିଦ୍ୟାଳୟର ପ୍ରଧାନ ଶିକ୍ଷୟିତ୍ରୀ ଲୀନା ଦାସ ସଭାପତିତ୍ଵ କରିଥିବା ବେଳେ ମୁଖ୍ୟ ଅତିଥି ରୂପେ ଭବାନୀପାଟଣା ବିଇଓ ଜଗନ୍ନାଥ ପୁରୋହିତ, ସମ୍ମାନୀତ ଅତିଥି ସିଆରସିସି ମିନତୀ କୁମାରୀ ପ୍ରଧାନ, ବିଦ୍ୟାଳୟ ପରିଚାଳନା କମିଟି ଅଧ୍ୟକ୍ଷା ପ୍ରମିଳା ଭାତ୍ରା ଆଦି ଉପସ୍ଥିତ ଥିଲେ।
ଅତିଥିମାନେ କରୋନା ସଚେତନତା, ସ୍ବଚ୍ଛତା ଓ ପୋଷାକର ଯତ୍ନ ଉପରେ ଭାଵଗର୍ଭକ ଅଭିଭାଷଣ ଦେଇଥିବା ଵେଳେ ସୂର୍ଯ୍ୟକାନ୍ତୀ ଜାଲ ଓ ଵିଦ୍ୟାଳୟର ସମସ୍ତ ଶିକ୍ଷୟିତ୍ରୀ ତଥା ତପସ୍ଵିନୀ ସମେତ ରୋଷେୟାମାନେ ସହଯୋଗ କରିଥିଲେ।
