କୋକସରା, (ହିରଣ୍ୟ ବେହେରା): କଳାହାଣ୍ଡି ଜିଲ୍ଲା କୋକସରା ବ୍ଲକ କାର୍ଯ୍ୟାଳୟ ପରିସରରେ ବୁଧବାର ଓରମାସ୍ ଦ୍ୱାରା ଆୟୋଜିତ ବ୍ଲକ ସ୍ତରୀୟ ନିଯୁକ୍ତିଭିତ୍ତିକ ପରାମର୍ଶ ଶିବିର ଅନୁଷ୍ଠିତ ହୋଇଯାଇଛି । ବ୍ଲକ ମିଶନ ମ୍ୟାନେଜ୍ମେଣ୍ଟ ୟୁନିଟ ଦ୍ୱାରା ଆୟୋଜିତ ଶିବିରରେ ମୁଖ୍ୟ ଅତିଥି ଭାବେ କୋକସରା ବିଡିଓ ମନୀଷା ଦାସ, ସମ୍ମାନୀତ ଅତିଥି ଜିଲ୍ଲା ସଂଯୋଜକ ଆଦିତ୍ୟ ଆଚାର୍ଯ୍ୟ, ବିଏଲ୍ସି ସୌମ ରଂଜନ ପଣ୍ଡା, ଓଏଲଏମ୍ ର ରାଜୀବ ଗୋପାଲ ପ୍ରମୂଖ ଉପସ୍ଥିତ ରହି ବେରୋଜଗାର ଯୁବକ ଯୁବତୀ କେମିତି ସ୍ୱାବାଲମୀ ହୋଇପାରିବେ ସେ ନେଇ ପରାମର୍ଶ ଦେଇଥିଲେ । ଶିବିରରେ ୬ଟି କର୍ମନିଯୁକ୍ତି ଓ ନିଯୁକ୍ତି ଭିତ୍ତିକ ପ୍ରଶିକ୍ଷଣ ସଂସ୍ଥା ଅଂଶଗ୍ରହଣ କରିଥିଲା । ଏଥିରେ ବ୍ଲକର ବିଭିନ୍ନ ପଂଚାୟତରୁ ୯୩ ଜଣ ଯୁବକ ଯୁବତୀ ପଞ୍ଜିକରଣ କରିଛନ୍ତି । ଶିବିରକୁ ବ୍ଲକ ପ୍ରଗତି ସହାୟକ କ୍ଷମାନିଧି ସାହୁ ପରିଚାଳନା କରିଥିଲେ ।
