ଓଡ଼ିଆ ବାର୍ତ୍ତା/ କଳାହାଣ୍ଡି (ସୁଶାନ୍ତ କୁମାର ଦଳେଇ): ୬୪ ବାଟାଲିୟନ ସିଆରପିଏଫ ପକ୍ଷରୁ କେଗାଁଠାରେ ସ୍ୱଚ୍ଛ ଭାରତ କାର୍ଯ୍ୟକ୍ରମ ଜରିଆରେ ବିଭିନ୍ନ ସ୍ଥାନରେ ସଫେଇ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି । ଇନିସ୍ପେକ୍ଟର ହରି ପ୍ରସାଦଙ୍କ ନେତୃତ୍ବରେ ଏହି କାର୍ଯ୍ୟକ୍ରମରେ ସ୍ଥାନୀୟ ବଜାର ପଡିଆ, ଦୁର୍ଗା ମଣ୍ଡପ, ହନୁମାନ ଛକ, ନୋଡାଲ ଉଚ୍ଚ ପ୍ରାଥମିକ ବିଦ୍ୟାଳୟ, ତାରିଣୀ ମନ୍ଦିର ଛକ ପ୍ରଭୁତି ଅଞ୍ଚଳରେ ସିଆରପିଏଫ ଯବାନମାନେ ସଫେଇ କାର୍ଯ୍ୟକ୍ରମ କରିଥିଲେ । ଏହି ଅବସରରେ ୬୪ ବାଟାଲିୟନ ସିଆରପିଏଫ ପକ୍ଷରୁ ସ୍ଥାନୀୟ ଅଞ୍ଚଳର ଲୋକଙ୍କୁ ମହାତ୍ମା ଗାନ୍ଧୀଙ୍କ ନୀତି ଆଦର୍ଶରେ ଅନୁପ୍ରାଣିତ ହୋଇ ସଦାସର୍ବଦା ନିଜ ଅଞ୍ଚଳକୁ ପରିସ୍କାର ପରିଛନ୍ନ ରଖି ସ୍ୱଚ୍ଛତା ବଜାଇ ରଖିବାକୁ ଆହ୍ବାନ ଦେଇଥିଲେ । ଏହି କାର୍ଯ୍ୟମରେ କେଗାଁ ୬୪ ବାଟାଲିୟନ ସିଆରପିଏଫର ୩୦ରୁ ଉର୍ଦ୍ଧ୍ବ ଯବାନ ଉପସ୍ଥିତ ରହି ସଫେଇ କରିଥିଲେ ।
