କଳାହାଣ୍ଡି,୧୬/୪ : ଗ୍ରୀଷ୍ମର ପ୍ରକୋପରେ ମ.ରାମପୁର ଅଂଚଳ ଶିଝୁଥିବାବେଳେ ଏଠାରେ ତାପମାତ୍ରା ୪୦ଡ଼ିଗ୍ରୀରୁ ଅଧିକ ରହୁଥିବା ସୂଚନା ମଳିଛି । ତେବେ ଅଂଶୁଘାତ ରୋଗୀଙ୍କ ଚିକିିତ୍ସା ପାଇଁ ମ.ରାମପୁର ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ର କିନ୍ତୁ ସଂପୂର୍ଣ୍ଣ ଅବ୍ୟବସ୍ଥାରେ ରହିଛି । ଏହି କକ୍ଷରେ ଲାଗିଥିବା ଏସି କାମ କରୁନଥିବାବେଳେ ବେଡ଼ ଉପରେ ବେଡ଼ସିଟ ବଦଳରେ ବୁଢାପଟା, ବାଥରୁମ୍ ରେ ପାଣି ଆସୁନଥିବା ଜଣାଯାଇଛି । ଅଂଶୁଘାତ ଉପଶମ ପାଇଁ କୌଣସି ପ୍ରକାର ଔଷଧ ନଥିବା ଦେଖାଯାଇଛି । ଏହି କକ୍ଷକୁ ମ.ରାମପୁର ବିଡ଼ିଓ ରୁମାନା ଜାଫ୍ରି ପରିଦର୍ଶନ କରି ଅସନ୍ତୋଷ ପ୍ରକାଶ କରିଥିଲେ । ତେବେ ଏହି କକ୍ଷର ସମସ୍ତ ବ୍ୟବସ୍ଥାକୁ ସୁବ୍ୟବସ୍ଥିତ କରିବାକୁ୍ ବିଭିନ୍ନ ମହଲରେ ଦାବୀ ହେଉଛି ।