ଓଡ଼ିଆ ବାର୍ତ୍ତା/ ଆମ୍ରେଲି : ଗାଁ ଭିତରେ ବୁଲୁଛନ୍ତି ସିଂହ । ବିଶ୍ବାସ ନ ହେଉଥିଲେ ମଧ୍ୟ ସତ । ଆଖିରେ ନଦେଖିଲେ ସହଜରେ ବିଶ୍ବାସ କରିବା ଅସମ୍ଭବ ଆଉ ଥରେ ଯଦି ଦେଖିଦେବେ ତାହେଲେ ଭୟରେ ରାତିରେ ଆଉ ଘରୁ ବାହାରକୁ ବାହାରିବେନି । ଗୁଜରାଟ ଆମ୍ରେଲି ଜିଲ୍ଲା ଅନ୍ତର୍ଗତ ରାମପଡ଼ା ଗାଁରେ ଏଭଳି ଦୃଶ୍ୟ ଦେଖିବାକୁ ମିଳିଛି । ରାତି ଅଧରେ ଦଳ ଦଳ ହୋଇ ବୁଲୁଛନ୍ତି ସିଂହ। ଫଳରେ ଭୟରେ ଦିନ କାଟୁଛନ୍ତି ଗାଁ ଲୋକେ । ଭୟରେ ଘର ବାହାରକୁ ବାହାରି ପାରିନଥିଲେ । ଗାଁର ଜଣେ ବ୍ୟକ୍ତିଙ୍କ ଘରେ ଲାଗିଥିବା ସିସିଟିଭି କ୍ୟାମେରାରେ ସିଂହ ବୁଲୁଥିବାରୁ ଚିତ୍ର କଏଦ ହୋଇଥିଲା । ଗୋଟିଏ କି ଦୁଇଟି ନୁହେଁ ଦଳ ହୋଇ ୮ଟି ସିଂହ ଗାଁ ଭିତରକୁ ଚାଲି ଆସିଥିଲେ । ତେବେ କିଛି ସମୟ ପରେ ସମସ୍ତ ସିଂହ ଚାଲିଯାଉଥିବା ଦେଖିବାକୁ ମିଳିଥିଲା । ବର୍ତ୍ତମାନ ସୋସିଆଲ ମିଡିଆରେ ଏହି ଭିଡିଓ ଏବେ ଖୁବ୍ ଭାଇରାଲ ହେଉଛି । ଗୁଜରାଟର ଗିର ଅଞ୍ଚଳ ସିଂହ ଅଭୟାରଣ୍ୟ ହୋଇଥିବାବେଳେ ଅମରେଲି ଜିଲ୍ଲା ଗିର୍ ଅଂଚଳର ପଡୋଶୀ ଜିଲ୍ଲା ରହିଛି । ଭାରତୀୟ ବନ ବିଭାଗ ଅଧିକାରୀ ସୁଶାନ୍ତ ନନ୍ଦ ଏହି ଭିଡିଓ ସେୟାର କରିଥିବା ଦେଖିବାକୁ ମିଳିଛି। ଅଧ ରାତିରେ ରାସ୍ତାରେ ଚଳ ପ୍ରଚଳ କରୁଥିବା ସିଂହମାନଙ୍କ ଏହି ଭିଡିଓରେ ଜଣାପଡୁଛି କି, ଏହା ଲୋକଙ୍କ ଚଳ ପ୍ରଚଳ ଅଞ୍ଚଳ । ଏହି ଭିଡିଓ ଟ୍ୱିଟରରେ ସେୟାର କରାଯାଇଥିବାବେଳେ, ଭିଡିଓଟିକୁ ପାଖାପାଖି ୧ ଲକ୍ଷରୁ ଅଧିକ ଲୋକ ଦେଖି ସାରିଲେଣି।
Another day,
Another pride…
Walking on the streets of Gujarat pic.twitter.com/kEAxByqPUU
— Susanta Nanda (@susantananda3) February 15, 2023
ଏହି ଭିଡିଓକୁ ଦେଖିବା ପରେ ଜଣେ ୟୁଜର୍ସ ଲେଖିଛନ୍ତି ଯେ, ସେମାନେ ମଣିଷକୁ ଡରୁଛନ୍ତି ଏବଂ ମୋଟରସାଇକେଲରେ ଆସୁଥିବା ବ୍ୟକ୍ତି ସେମାନଙ୍କ ଆଡକୁ ଆସୁଥିବାର ଦେଖି ସିଂହମାନେ ଚୁପଚାପ୍ ସେହି ସ୍ଥାନ ଛାଡି ପଳାଉଛନ୍ତି । ସେହିପରି ଅନ୍ୟ ଜଣେ ୟୁଜର୍ସ ଲେଖିଛନ୍ତି, “କଂକ୍ରିଟ ଜଙ୍ଗଲରେ ବୁଲୁଥିବା ଏହି ସୁନ୍ଦର ଗର୍ବକୁ ଦେଖିବା ଏକ ଗର୍ବ ନା ଦୟା ?
