ଏ ମୋର ଶେଷ ଚିଠି
ପଢିବ ନିଶ୍ଚୟ
ବାରମ୍ବାର ଅନୁରୋଧ କରୁଛି
ଏ ମୋର ଶେଷ ଚିଠି ଲେଖୁଛି ।
ବାସ୍ନା ଭିଜା ହୃଦୟକୁ
ମୁଁ -ମସଜିଦ ..ମନ୍ଦିରେ
ବିକି ଦେଇଛି
ମାନବତାର ପରିଚୟ ମୋର
ଫାଙ୍କା ଅନ୍ଧାରେ
ନାଲିପଟି ବନ୍ଧା
ମୂର୍ତ୍ତି ରେ
ଚିକମିକ ଜରିପରି
ଜଡ଼ ପାଲଟି ସାରିଛି
ବିକଶିତ ମସ୍ତିଷ୍କ ମୋ
ରୁଗଣ ମାନସିକତାର
ପେଡିରୁ
ବାରମ୍ବାର
ମୁଣ୍ଡ ଟେକୁଛି
ତୋଷାମଦ ..ଶୃଗାଳ ପରି
ତଥାପି ମୁଁ ମୋର
ଅଭିନୟ ଲିପ୍ତ
ସତ୍ୟକୁ ଭୁଲିଛି
ଏ ମୋର ଶେଷଚିଠି ଲେଖୁଛି ।
ମୋ କଳ୍ପନାର
ଅନେକ ଶବ୍ଦକୁ ମୁଁ
ଏକପଦିକରଣ କରି
ନିମିଷେ ଯୋଜନଗନ୍ଧା ସାଜୁଛି
ବୁଲେଟ ଟ୍ରେନ ପରି
ହୃଦୟ ମୋର
ଲୋଭାଗ୍ରତ …କ୍ୟାନସର ପୀଡିତ
ଦେହକୁ ନେଇ
ଜୀବନର ଅନ୍ତିମ ସ୍ୱର
ଖୋଜୁଛି ତଥାପି
ମୁଁ ମୋର ଆତ୍ମ ବଢ଼ିମା ପ୍ରଚାର
କରିଚାଲିଛି
ଏ ମୋର ଶେଷଚିଠି ଲେଖୁଛି ।
ବସନ୍ତ ରୁ ଶୀତ
ଶୀତରୁ ବର୍ଷା କୁ
ବର୍ଷା କୁ ଫଗୁଣେ ଯୋଡି
ମୁଁ ମହଣ ମହଣ
ରୋଜଗାର ଭିତରେ
ହଜେଇ ସାରିଛି
ମୁଁ ଲୁଣ୍ଠିତ ରୁପକୁ ମୋର
ବୃଥା ପ୍ରହତ୍ସନେ
ଅନାସକ୍ତ ଆଶ୍ରୟ କରିଚାଲିଛି
ମୁଁ ମୋର
ଶେଷ ପାହାନ୍ତି ରେ
ଶେଷଚିଠି ଲେଖୁଛି ।
ତପନ କୁମାର ସାହୁ
କଳାହାଣ୍ଡି
ମୋ : ୭୩୨୮୦୦୧୫୭୫
ହ୍ଵାଟ୍ସଆପରେ ଲେଟେଷ୍ଟ ନ୍ୟୁଜ୍ ଅପଡେଟ୍ ପାଇବା ପାଇଁ ତଳେ କ୍ଲିକ୍ କରନ୍ତୁ👇
