ନୂଆପଡା,୨୫/୪ : ନୂଆପଡା ଜିଲ୍ଲା ସଦରମହକୁମା ଦେଇ ଜାତୀୟ ରାଜପଥ ୩୫୩ ରାୟପୁର ଠାରୁ ଗୋପାଳପୁର ଯାଏଁ ଯାଇଛି । କିଛି ମାସ ପୂର୍ବେ ନୂଆପଡା ଜିଲ୍ଲାର ତିନୋଟି ଏନ୍ଏସି ରେ ଗ୍ରୀନଫିଲଡ ଆଲୋକୀକରଣ କାର୍ଯ୍ୟକ୍ରମରେ ରାସ୍ତା ଓ ସମସ୍ତ ୱାର୍ଡ ରେ ନୂତନ ଏଲ୍ଇଡି ଲାଇଟ (ବଲ) ଓ ପୋଲ ଲଗାଯାଇ ଉଦଘାଟନ କରାଯାଇଥିଲା । ତେବେ ପ୍ରକଶ ଯେ ଆଲୋକୀକରଣ ପାଇଁ ଟେଣ୍ଡର ଦିଆଯାଇଥିବା କମ୍ପାନୀ ଏ ପର୍ଯ୍ୟନ୍ତ କାମ ଆରମ୍ଭ କରି ନାହିଁ । ତେବେ ତହିଁ ମଧ୍ୟ ରୁ ନୂଆପଡା ଏନ୍ଏସି ର ୧୪ ଟି ୱାର୍ଡ ରେ ୪୮୦ଟି ପୋଲ ଓ ଲାଇଟ ଲଗାଯାଇଥିଲା । କିନ୍ତୁ ବର୍ତମାନ ରାଜପଥ ପାର୍ଶ୍ୱ ରେ ଥିବା ଲାଇଟ ଗୁଡିକ ର ଅବସ୍ଥା କହିଲେ ନସରେ । କେତୋଟି ଲାଇଟ ଜଳୁଛି ତ ଆଉ କେତୋଟି ଅସମ୍ପୂର୍ଣ ଭାବେ ଜଳୁଛି ଆଉ କେତେକ ଜଳୁନାହିଁ । ନୂଆପଡା ଏନଏସିର ଅନ୍ୟ କେତୋଟି ୱାର୍ଡକୁ ରାତି ରେ ଯିବା ଆସିବା ପାଇଁ ଲୋକେ ଭୟ କରୁଛନ୍ତି କାହିଁକି ନା ଖୁଣ୍ଟରେ ଲାଇଟ ଥିଲେ ବି ତହା ବିଲକୁଲ ଜଳୁ ନା ଥିବାର ନଜର ରେ ଆସିଛି । ଯାହାଫଳରେ ଲୋକେ ନାହିଁ ନ ଥିବା ଅସୁବିଧା ଭୋଗୁଛନ୍ତି । ଅନେକ ଜାଗାରେ ଏହି ସମସ୍ୟା ସବୁ ଲାଗି ରହିଥିବାବେଳେ ବିଜ୍ଞାପିତ ଅଞ୍ଚଳ ପରିଷଦ ପକ୍ଷରୁ ଏହାର ସୁସମାଧାନ ଦିଗରେ ସଠିକ ପଦକ୍ଷେପ ନେଉନାହିଁ ବୋଲି ସ୍ଥାନୀୟ ଜନ ସାଧାରଣ ଅଭିଯୋଗ କରନ୍ତି । ଜିଲ୍ଲା ପ୍ରଶାସନ ଏହା ଉପରେ ହସ୍ତକ୍ଷେପ କରି ଉଚିତ ପଦକ୍ଷେପ ନେଉ ବୋଲି ଜନତାଙ୍କ ଠାରୁ ମତ ପ୍ରକାଶ ପାଇଛି । ଏ ସମନ୍ଧରେ ନୂଆପଡା ଏନ୍ଏସି କାର୍ଯ୍ୟ ନିର୍ବାହୀ ଅଧିକାରୀ ରାମ ଚନ୍ଦ୍ର ମାଝୀଙ୍କୁ ପଚାରିବାରୁ ସେ କହିଲେ ଯେ, ଫିଉଜ ହୋଇ ଥିବା କାରଣରୁ କିଛି ଲାଇଟ ଜଳୁ ନାହିଁ ଆଉ ବହୁତ ଶୀଘ୍ର ଏହାକୁ ଠିକ କରାଯିବାର ବ୍ୟବସ୍ଥା କରାଯାଉଛି।