ଓଡ଼ିଆ ବାର୍ତ୍ତା/ ନୂଆପଡା (ମହେନ୍ଦ୍ର ବାଗ): ସଦର ମହକୁମା ବଣିକ ସଂଘ ସଭାପତି ଭାବେ ହରିଶ ଚନ୍ଦ୍ର ପଣ୍ଡା (ଟିଟୁ ପଣ୍ଡା)ଙ୍କୁ ଚୟନ କରାଯାଇଛି | ଗତ କାଲି ନୂଆପଡା ଏନଏସି ନୂତନ କଲ୍ୟାଣ ମଣ୍ଡପ ଠାରେ ବଣିକ ସଂଘର ଏକ ଗୁରୁତ୍ୱପୂର୍ଣ ବୈଠକ ଅନୁଷ୍ଠିତ ହୋଇଥିଲା | ଏହି ବୈଠକରେ ସର୍ବସମ୍ମତି କ୍ରମେ ଶ୍ରୀ ପଣ୍ଡାଙ୍କୁ ବଣିକ ସଂଘ ସଭାପତି ହେବା ପାଇଁ ସ୍ଥିର କରାଯାଇଥିଲା | ନୂତନ ସଦସ୍ୟତା, ସମସ୍ତ ସଦସ୍ୟଙ୍କ ପାଇଁ ଦୋକାନ ଘର ଓ ବଣିକ ସଂଘର ନୂତନ ପରିଚାଳନା କମିଟି ପ୍ରସ୍ତୁତ କରିବା ପାଇଁ ନୂତନ ବଣିକ ସଂଘର ନବ ନିର୍ବାଚିତ ସଭାପତି ଶ୍ରୀ ପଣ୍ଡା ସୂଚନା ଦେଇଛନ୍ତି | ଏହି ବୈଠକରେ ଆଇନଜୀବି କ୍ଷିତୀଶ ବୋଧଙ୍କର, ସୁବାଷ ପଣ୍ଡା, ବିପ୍ର ରାଉତ ଓ ବଣିକ ସଂଘର ସଦସ୍ୟମାନେ ଉପସ୍ଥିତ ଥିଲେ |
