ଓଡ଼ିଆ ବାର୍ତ୍ତା/ କଳାହାଣ୍ଡି (ହେମନ୍ତ ସାହୁ): କଳାହାଣ୍ଡିର ଅନ୍ୟତମ ଅଗ୍ରଣୀ ସ୍ୱେଚ୍ଛସେବୀ ଅନୁଷ୍ଠାନ ସେବା ଜଗତ ତରଫରୁ ଓଡ଼ିଶା ମିଲେଟ ମିଶନ ତଥା ଆତ୍ମା କଳାହାଣ୍ଡିର ସହଯୋଗରେ ମ.ରାମପୁର ବ୍ଲକ କୃଷି କାର୍ଯ୍ୟାଳୟ ସମ୍ମୁଖରୁ ଏକ ସଚେତନ ରଥର ଶୁଭାରମ୍ଭ ହେଇଯାଇଛି । କ୍ଷୁଦ୍ର ଶସ୍ୟ ଚାଷର ସଚେତନା ରଥର ଶଭାରମ୍ଭ ସହକାରୀ କୃଷି ଅଧିକାରିଣୀ ଜ୍ଞାନେଶ୍ୱରୀ ବିନ୍ଧାଣି ସବୁଜ ପତାକା ଦେଖାଇ କରିଥିଲେ । କାର୍ଯ୍ୟକ୍ରମକୁ ସେବା ଜଗତର ବ୍ଲକ ପ୍ରକଳ୍ପ ସଂଯୋଜିକା ସୁନୀତା ତାଣ୍ଡି ପରିଚାଳନା କରିଥିବାବେଳେ ଅତିରିକ୍ତ ପ୍ରକଳ୍ପ ସଂଯୋଜକ ଟଙ୍କଧର ବଗର୍ତ୍ତି ସହଯୋଗ କରିଥିଲେ । ଏହି ରଥ ୧୪ ଦିନ ଧରି ୧୩ ଗୋଟି ପଂଚାୟତ ଭ୍ରମଣ କରି ସଚେତନତାର ବାର୍ତ୍ତା ପହଂଚାଇବାର କାର୍ଯ୍ୟକ୍ରମ ରହିଛି ।
