ବାହାନଗା ଦୁର୍ଘଟଣାରେ ମୃତକଙ୍କ ପ୍ରତି ଶ୍ରଦ୍ଧାଞ୍ଜଳି
ଓଡ଼ିଆ ବାର୍ତ୍ତା/ ବାଲେଶ୍ଵର: ବାଲେଶ୍ୱର ସ୍ଥିତ ଓଡିଶା ଲଳିତକଳା ଏକାଡେମୀର ଆଞ୍ଚଳିକ ଆର୍ଟ ଗ୍ୟାଲେରୀରେ “ଦୃଷ୍ଟିବିସ୍ତାର ୭ x ୧” ନାମକ ଚିତ୍ରକଳା ପ୍ରଦର୍ଶନୀର ଶେଷ ଦିନରେ ବହୁ ଦର୍ଶକ ଉପସ୍ଥିତ ହୋଇ ପ୍ରଦର୍ଶନୀକୁ ଉପଭୋଗ କରିଥିଲେ ।
ସନ୍ଧ୍ୟା ୭ଟା ୩୦ ମିନିଟରେ ଚିତ୍ରଶିଳ୍ପୀମାନେ ବାହାନଗା ଦୁର୍ଘଟଣାରେ ପ୍ରାଣ ହରାଇଥିବା ମୃତକ ମାନଙ୍କ ଆତ୍ମାର ସଦ୍ଗତି ନିମନ୍ତେ ଚିତ୍ରରେ ଶ୍ରଦ୍ଧାଞ୍ଜଳି ଜ୍ଞାପନକରିବା ସହିତ କେଣ୍ଡେଲ ଜଳାଇ ନିରବ ପ୍ରାର୍ଥନା କରିଥିଲେ ।
ଏହି ଶ୍ରଦ୍ଧାଞ୍ଜଳି ସଭାରେ ଉପସ୍ଥିତ ଥିବା ଚିତ୍ର ଶିଳ୍ପୀମାନେ ହେଲେ ଆର୍ଟ ଗେଲେରୀର ପରିଚାଳନା ଦାୟିତ୍ୱରେ ଥିବା ମରୁତ କୁମାର ରାଉତ, କେଶୁ ଦାସ, ଆକାଶ ଶ୍ରୀଚନ୍ଦନ ରାମ, ଅର୍ଚନା ଜେନା, ଆର୍ଯ୍ୟପ୍ରଜ୍ଞା ବାସବଦତ୍ତା, ମାନସ ଦାସ, ପ୍ରଦୀପ୍ତ କିଶୋର ଦାସ ଓ ରଘୁନାଥ ଜେନା ।
ଶେଷରେ ପ୍ରଦୀପ୍ତ କିଶୋର ଦାସ ପ୍ରଦର୍ଶନୀର ସଫଳତା ପାଇଁ ବାଲେଶ୍ୱରର ସମସ୍ତ ଦର୍ଶକ, କଳା ପ୍ରଶଂସକ, ସୃଜନଶୀଳ ବ୍ୟକ୍ତି, ଅତିଥିଗଣ, ପ୍ରତିଭାଗୀ ଚିତ୍ରଶିଳ୍ପୀ ଓ ଗଣମାଧ୍ୟମ ପ୍ରତିନିଧି ମାନଙ୍କୁ ଧନ୍ୟବାଦ ଜଣାଇଥିଲେ ।
