ଜାତୀୟ ସବ ଜୁନିୟର ମହିଳା ହକି:ଅମୀଷାଙ୍କ ନେତୃତ୍ୱରେ ଓଡିଶା ଦଳ ଘୋଷିତ

ଓଡ଼ିଆ ବାର୍ତ୍ତା/ ରାଉରକେଲା: ହକି ଆସୋସିଏଶନ ଅଫ ଓଡିଶା ଅମୀଷା କୁଲୁଙ୍କ ନେତୃତ୍ୱରେ ଜାତୀୟ ସବ ଜୁନିୟର ମହିଳା ହକି ଚାମ୍ପିୟନଶିପ ପାଇଁ ୧୮ ଜଣିଆ ଦଳ ଘୋଷଣା କରିଛି । ମେ ୪ରୁ ୧୪ ପର୍ଯ୍ୟନ୍ତ ହେବାକୁ ଯାଉଥିବା ଏହି ଚାମ୍ପିୟନଶିପରେ ୨୮ଟି ଟିମ ଅଂଶଗ୍ରହଣ କରିବେ । ସମସ୍ତ ମ୍ୟାଚ ବିର୍ସା ମୁଣ୍ଡା ଆନ୍ତର୍ଜାତୀୟ ହକି ଷ୍ଟାଡିମରେ ଖେଳାଯିବ । ଖେଲୋ ଇଣ୍ଡିଆ ୟୁଥ ଗେମ୍ସରେ ଭଲ ପ୍ରଦର୍ଶନ କରିଥିବା ତନୁଜା ଟପ୍ପୋ, ସସ୍ମିତା ଡୁଙ୍ଗଡୁଙ୍ଗ, କରୁଣା ମିଞ୍ଜ ଓ ପୂଜା ମାଝୀଙ୍କ ଉପରେ ସମସ୍ତଙ୍କ ନଜର ରହିବ । ମେ ୪ରେ କେରଳ ହକି ଟିମ ବିପକ୍ଷରେ ଓଡିଶା ତାର ଅଭିଯାନ ଆରମ୍ଭ କରିବ । ସମସ୍ତ ଟିମକୁ ୪ଟି ଗ୍ରୁପରେ ଭାଗ କରାଯାଇଛି । ପୁଲ ଏରେ ହରିୟାଣା, ତାମିଲନାଡୁ, ତ୍ରିପୁରା । ପୁଲ ବି’ରେ ଝାଡଖଣ୍ଡ, ବେଙ୍ଗଲ, ଉତରାଖଣ୍ଡ । ପୁଲ ସିରେ ଉତ୍ତରପ୍ରଦେଶ, ଛତିଶଗଡ, ଦିଲ୍ଲୀ ଓ ପୁଲ ଡି’ରେ ମଧ୍ୟପ୍ରଦେଶ, ଆସାମ, ହିମାଚଳ ରହିଛନ୍ତି । ଓଡିଶା ଭଲ ପ୍ରଦର୍ଶନ କରିବ ବୋଲି ଟିମ ମ୍ୟାନେଜମେଂଟ ପକ୍ଷରୁ ଦୃଢ଼ ଆଶା ପୋଷଣ କରାଯାଇଛି ।