ଓଡ଼ିଆ ବାର୍ତ୍ତା/ ନୂଆଦିଲ୍ଲୀ: ଫିଲ୍ମ ‘ଆଶିକ୍ -୩’ ଘୋଷଣା ହେବା ପରେ ଏହାର ନିର୍ମାତା ହିରୋଇନ ଖୋଜିବାରେ ଲାଗିପଡ଼ିଥିଲେ । ଫିଲ୍ମ ପାଇଁ ନିର୍ମାତାଙ୍କୁ ନୂଆ ଚେହେରା ଖୋଜୁଥିଲେ । ତେବେ ଦୀର୍ଘ ଦିନ ପରେ ଫିଲ୍ମ ଲାଗି ଅଭିନେତ୍ରୀଙ୍କ ନାଁ ଫାଇନାଲ ହୋଇଛି ।’ଆଶିକ୍ -୩’ରେ କାର୍ତ୍ତିକ ଆର୍ଯ୍ୟନଙ୍କ ଅପୋଜିଟରେ କନ୍ନଡ଼ ଅଭିନେତ୍ରୀ ଆକାଂକ୍ଷା ଶର୍ମାଙ୍କୁ କାଷ୍ଟ କରାଯିବା ନେଇ ସୂଚନା ମିଳିଛି । ଏନେଇ ଅଭିନେତ୍ରୀ ଫିଲ୍ମମେକରଙ୍କୁ ଅନେକ ଥର ଭେଟିଥିବା କୁହାଯାଉଛି । ତେବେ ଯଦି ସବୁ ଠିକ୍ ରୁହେ ତାହାଲେ ଆକାଂକ୍ଷା ‘ଆଶିକ୍ -୩’ର ନାୟିକା ହେବେ ବୋଲି ଚର୍ଚ୍ଚା ହେଉଛି ।
ଏନେଇ ମେକର୍ସଙ୍କ ପକ୍ଷରୁ କୌଣସି ଅଫିସିଆଲ ଆନାଉସମେଣ୍ଟ କରାଯାଇନାହିଁ । ଆଶିକ୍’ ଫ୍ରାଞ୍ଚାଇଜରେ ଆରମ୍ଭରୁ ସବୁବେଳେ ନୂଆ ଚେହେରାଙ୍କୁ କାଷ୍ଟ କରାଯାଇଛି । ଏହାର ପାର୍ଟ-୨ରେ ଆଦିତ୍ୟ ରୟ ଓ ଶ୍ରଦ୍ଧା କପୁରଙ୍କ ଯୋଡ଼ିକୁ ବେଶ ପସନ୍ଦ କରିଥିଲେ ଦର୍ଶକ । ତେବେ କାର୍ତ୍ତିକଙ୍କ ସହ ଆକାଂକ୍ଷାଙ୍କ କେମିଷ୍ଟ୍ରି ଭଲ ହେବା ନେଇ ଆଶା କରାଯାଉଛି । ଏହା ପୂର୍ବରୁ ଜେନିଫର ୱିଙ୍ଗେଟେଜ ଓ ଫତିମା ସନା ସେଖଙ୍କ ନାଁ ଲିଡ଼ ରୋଲ ନେଇ ସାମ୍ନାକୁ ଆସିଥିଲା ।
ଆକାଂକ୍ଷା ଜଣେ ମଡ଼େଲ ଓ କନ୍ନଡ଼ ଫିଲ୍ମ ଅଭିନେତ୍ରୀ ଅଟନ୍ତି । ସେ ମଡ଼େଲିଂରୁ ନିଜ ଅଭିନୟ କ୍ୟାରିୟର ଆରମ୍ଭ କରିଥିଲେ । ୨୦୨୦ ମସିହାରେ ରିଲିଜ ହୋଇଥିବା କନ୍ନଡ଼ ଫିଲ୍ମ ‘ତ୍ରିବିକ୍ରମ’ରେ ଜରିଆରେ ସେ ନିଜ କ୍ୟାରିୟର ଆରମ୍ଭ କରିଥିଲେ । ଏହାସହ ସେ ଟାଇଗର ଶ୍ରଫଙ୍କ ସହ ମ୍ୟୁଜିକ୍ ଭିଡ଼ିଓ ‘ଡିସ୍କୋ-୮୨’ରେ ନଜର ଆସିଥିଲେ । ଏହା ପରେ ଉଭୟଙ୍କ ସମ୍ପର୍କକୁ ନେଇ ଚର୍ଚ୍ଚା ହୋଇଥିବା ବେଳେ କେହି ଏନେଇ ମୁହଁ ଖୋଲି ନଥିଲେ ।
