ମୋ ସେବା କେନ୍ଦ୍ର କଳାହାଣ୍ଡି ଜିଲ୍ଲା ଭିଏଲଇ ସଂଘର ବିଶାଳ ଶୋଭାଯାତ୍ରା ଓ  ୮ ଦଫା ଦାବି ପତ୍ର ପ୍ରଦାନ 

ଓଡ଼ିଆ ବାର୍ତ୍ତା/ କଳାହାଣ୍ଡି (ନିଲେଶ କୁମାର ନାଗ): ମୋ ସେବା କେନ୍ଦ୍ର ଜିଲ୍ଲା ଭି.ଏଲ୍.ଇ. ସଂଘ ପକ୍ଷରୁ ଭବାନିପାଟଣା ସ୍ଥିତ ମାଣିକେଶ୍ଵରୀ ମନ୍ଦିରରୁ ଏକ ବିଶାଳ ଶୋଭାଯାତ୍ରା ସହର ପରିକ୍ରମା କରି ଜିଲ୍ଲାପାଳଙ୍କ କାର୍ଯ୍ୟାଳୟରେ ପହଞ୍ଚିଥିଲେ । ସେଠାରେ ୮ ଦଫା ସମ୍ବଳିତ ଦାବିପତ୍ର ଜିଲ୍ଲାପାଳଙ୍କୁ ପ୍ରଦାନ କରାଯାଇଥିଲା । ବିଗତ ୩ ବର୍ଷରୁ ଉର୍ଦ୍ଧ୍ବ ସମୟ ହେଲା ଏମାନେ ମୋ ସେବା କେନ୍ଦ୍ର ଜରିଆରେ ପ୍ରତି ଗ୍ରାମ ପଞ୍ଚାୟତର ଜନସାଧାରଣଙ୍କ କାର୍ଯ୍ୟ କରି ଆସୁଛନ୍ତି ।   ବିଗତ କିଛି ଦିନ ହେଲା ଲୋକଙ୍କ କୌଣସି କାର୍ଯ୍ୟ ମୋ ସେବା କେନ୍ଦ୍ର ଜରିଆରେ ହେଉନଥିବାରୁ ଏମାନେ ବେକାରୀ ହୋଇ ପଡ଼ି ରହିଛନ୍ତି । ତେଣୁ ଏହି ସମସ୍ୟାର ସମାଧାନ ପାଇଁ ସେମାନେ ଦାବି କରିବା ସହ ମୋ ସେବା କେନ୍ଦ୍ରକୁ ପଞ୍ଚାୟତ ପରିସରରେ ସ୍ଥାନ ଦେବା, ସିପିଏସ ପ୍ଲସ କୁ ରଦ୍ଦ କରି ମୋ ସେବା କେନ୍ଦ୍ରକୁ ଆର୍ଥିକ ସହାୟତା ପ୍ରଦାନ କରିବା, ଏସସିଏ ପୋର୍ଟାଲରୁ ପ୍ରତିଦିନ କଟା ଯାଉଥିବା ରକ୍ଷଣାବେକ୍ଷଣ ଖର୍ଚ୍ଚ କୁ ବନ୍ଦ କରିବା, ମୋ ସେବା କେନ୍ଦ୍ର ଫାଇବ୍-ଟି ଅନ୍ତର୍ଭୁକ୍ତ ହୋଇଥିବାରୁ ଏହାକୁ ସରକାର ପ୍ରାଧାନ୍ୟ ଦେବା ଆଦି ଅନ୍ୟାନ୍ୟ ଦାବି ଉପସ୍ଥାପନ କରିଛନ୍ତି । ବେକାରୀ ଦୂରିକରଣ ସହ ସାଧାରଣ ଜନତାଙ୍କ ହିତ ପାଇଁ ସରକାର ମୋ ସେବା କେନ୍ଦ୍ର ଖୋଳାଇଥିବା ବେଳେ ବର୍ତ୍ତମାନ ଏହାର ପରିଚାଳକମାନେ ହାତବାନ୍ଧି ବସିଛନ୍ତି । ଏଥିପ୍ରତି ପ୍ରଶାସନ ଓ ସରକାର ଦୃଷ୍ଟି ଦେବା ଜରୁରୀ ବୋଲି ବୁଦ୍ଧିଜୀବୀମାନେ ମଧ୍ୟ ମତ ପ୍ରକାଶ କରିଛନ୍ତି । ଏଥିରେ ଜିଲ୍ଲା ସଂଘ ସଭାପତି ଯଶୋବନ୍ତ ନାରାୟଣ ବେହେରା, ସାଧାରଣ ସମ୍ପାଦକ ସଞ୍ଜୟ କୁମାର ସରାଫ, ଉପସଭାପତି ଅମିତ କୁମାର ନାୟକ, ସହ ସମ୍ପାଦକ ବିକାଶ ବାଗ, କୋଷାଧ୍ୟକ୍ଷ ରଶ୍ମିରଞ୍ଜନ ସାହୁଙ୍କ ସମେତ ଜିଲ୍ଲାର କୋଣ ଅନୁକୋଣର ମୋ ସେବା କେନ୍ଦ୍ର ଜିଲ୍ଲା ଭି.ଏଲ୍.ଇ. ସଂଘ ସଦସ୍ୟ ସଦସ୍ୟାମାନେ ସାମିଲ ହୋଇଥିଲେ ।

Omkar Vasthu
Omkar Vasthu

Pearl dental clinic
Near Ashish Medical Store, Bhawanipatna

Udyog Nursery
Udyogi Nursery
Sunil Kumar Dhangadamajhi

𝐸𝑑𝑖𝑡𝑜𝑟, 𝑂𝑑𝑖𝑎𝐵𝑎𝑟𝑡𝑎.𝑖𝑛

http://odiabarta.in
error: You are not allowed to copy this content. Thank you.