ଓଡ଼ିଆ ବାର୍ତ୍ତା/ କଳାହାଣ୍ଡି (ନିଲେଶ କୁମାର ନାଗ): ଭବାନୀପାଟଣା ମ୍ୟୁନସିପାଲ ହାଇସ୍କୁଲଠାରେ ଶିକ୍ଷକ-ଅଭିଭାବକ ସମ୍ମିଳନୀ ଆୟୋଜିତ ହୋଇଯାଇଛି। ଏଥିରେ ମଝିପଡା ସିଆରସିସି ପ୍ରଫୁଲ୍ଲ କୁମାର ଠାକୁର ଉପସ୍ଥିତ ରହି ଛାତ୍ରଛାତ୍ରୀମାନଙ୍କୁ ନିୟମିତ ବିଦ୍ୟାଳୟ ପଠେଇବା ପାଇଁ ନିବେଦନ କରିଥିଲେ। ସେହିପରି ପ୍ରଧାନ ଶିକ୍ଷୟିତ୍ରୀ ଇଲାବତୀ ମହାନ୍ତି, ଶିକ୍ଷକ ଅମରେଶ ନେଗୀ, ସରୋଜ ସାହୁ, ବିଜୟଲକ୍ଷ୍ମୀ ତ୍ରିପାଠୀ, ପ୍ରମୋଦ ସାହୁ, ମନୋରଞ୍ଜନ ସାହୁ, ଜ୍ୟୋତିର୍ମୟୀ ପାତ୍ର ପ୍ରମୁଖ ସମାପ୍ତିସୂଚକ ମୂଲ୍ୟାୟନର ଫଳାଫଳ, ମୁଖ୍ୟମନ୍ତ୍ରୀ ଶିକ୍ଷା ପୁରସ୍କାର, ଛାତ୍ରଛାତ୍ରୀଙ୍କ ବ୍ୟାଙ୍କ ଏକାଉଣ୍ଟ ଓ ଆଧାର ଅପଡେଟ ଠିକ ସମୟରେ ସମ୍ପାଦନ କରିବା ପାଇଁ ମତାମତ ରଖିଥିଲେ। ଛାତ୍ରଛାତ୍ରୀମାନଙ୍କ ଶିକ୍ଷାର ମାନର ଉନ୍ନତି ନିମନ୍ତେ ନିଆଯାଇଥିବା ପଦକ୍ଷେପ ଏବଂ ସରକାରଙ୍କ ଦ୍ୱାରା ପ୍ରଦତ୍ତ ବିଭିନ୍ନ ଅନୁଦାନ ବାବଦରେ ମଧ୍ୟ ସୂଚନା ଦେଇଥିଲେ। ଏଥିରେ ଅଭିଭାବକମାନେ ମଧ୍ୟ ବିଦ୍ୟାଳୟର ବିକାଶ ପାଇଁ ସୁଚିନ୍ତିତ ମତାମତ ଦେଇଥିଲେ। ଶେଷରେ ଶିକ୍ଷୟିତ୍ରୀ ବିଜୟଲକ୍ଷ୍ମୀ ତ୍ରିପାଠୀ ଧନ୍ୟବାଦ ଅର୍ପଣ କରିଥିଲେ।
