ବାଲିପଡାରେ ଶ୍ରୀରାମ ଭକ୍ତଙ୍କ ମଶାଲ ଶୋଭାଯାତ୍ରା

ଜୟ ଶ୍ରୀରାମ ଧ୍ବନିରେ ପ୍ରକମ୍ପିତ ହେଲା ଖଣ୍ଡ ମଣ୍ଡଳ

ଓଡିଆ ବାର୍ତ୍ତା/ କଳାହାଣ୍ଡି (ଲିଙ୍ଗରାଜ ମିଶ୍ର): ଏକ ବର୍ଣ୍ଣାଢ୍ୟ ଓ ଭକ୍ତିମୟ ପରିବେଶ ମଧ୍ୟରେ ବାଲିପଡା ଶ୍ରୀରାମ ଭକ୍ତ ଯୁବକ ମାନେ ମଶାଲ ଶୋଭାଯାତ୍ରା କରି ରାମ ଲାଲାଙ୍କୁ ଅର୍ଘ୍ୟ ସମର୍ପଣ କରିଛନ୍ତି । ଗୋଟିଏ ପଟେ ଅଯୋଧ୍ୟାରେ ଶ୍ରୀରାମ ଲାଲାଙ୍କ ପ୍ରାଣ ପ୍ରତିଷ୍ଠା କାର୍ଯ୍ୟକ୍ରମ ଚାଲିଥିବା ବେଳେ ବାଲିପଡାର ଯୁବ ହିନ୍ଦୁ ସଂଗଠନର ଯୁବକ ମାନେ ଯୁବ ନେତୃତ୍ୱ ବବ୍ଲୁଙ୍କ ପ୍ରତ୍ୟକ୍ଷ ତତ୍ୱାବଦାନରେ ଅମନ, ବାବୁଲା, ପ୍ରବୀଣ, ମକୁନ୍ଦ, ଜ୍ଞାନ, ଅଶୋକ ସାମନ୍ତ, ଜିତୁ, ବ୍ରଜେଶ, ନରେଶ,ଆଦିତ୍ୟ, ପ୍ରଣୟ, ଋତୁ, ଟୁଲୁ, ମାନସ, ଡବ୍ଲୁ, କାଲିଆ, ଅଭିଷେକ ପ୍ରମୁଖଙ୍କ ସମେତ ଶତାଧିକ ଯୁବକ ଏକ ଭବୟ ବାଇକ ଶୋଭାଯାତ୍ରାରେ ବାଲିପଡା ଦୁର୍ଗା ମଣ୍ଡପରୁ ବାହାରି, ବାନପୁର ବସ୍ତି ପରିକ୍ରମା କରି ମ.ରାମପୁର ଶ୍ରୀରାମ ମନ୍ଦିରକୁ ଯାଇ ପୁଜାର୍ଚ୍ଚନା କରି ସେଠାରୁ ମଶାଲ ଶୋଭାଯାତ୍ରାରେ ମଶାଲ ନେଇ ଆସି ବାଲିପଡା ସ୍ଥିତ ତ୍ରିନାଥ ମନ୍ଦିର, ଗଙ୍ଗଦେଇ ବାବୁରା ମନ୍ଦିରରେ ସ୍ଥାପନ କରିଥିଲେ । ଜୟ ଶ୍ରୀରାମ ଧ୍ୱନୀରେ ଖଣ୍ଡ ମଣ୍ଡଳ ପ୍ରକମ୍ପିତ ହୋଇଉଠିଥିଲା ।