ଓଡିଆ ବାର୍ତ୍ତା/ କଳାହାଣ୍ଡି (ଲିଙ୍ଗରାଜ ମିଶ୍ର): ନର୍ଲା ବ୍ଲକ୍ ଗିଗିନା ଗ୍ରାମ ପଞ୍ଚାୟତ ଅଧିନ ଡମପଦର ଛକଠାରେ ଭୟଙ୍କର ଭାବେ ବାଇକ୍ ଦୁର୍ଘଟଣା ଘଟିଛି। ପଲସର ବାଇକ ଦୃତଗତିରେ ଯାଉଥିବା ବେଳେ ରାସ୍ତା ପାର୍ଶ୍ବରେ ଥିବା ସୂଚନା ଫଳକରେ ବାଡେଇ ହୋଇ ଦୁଇଜଣ ଗୁରୁତର ଆହତ ହୋଇଛନ୍ତି। ସ୍ଥାନୀୟ ଲୋକେ ଆହତଙ୍କୁ ଉଦ୍ଧାର କରି ଆମ୍ବୁଲାନ୍ସ ଯୋଗେ କେସିଙ୍ଗା ମେଡିକାଲକୁ ପଠାଇ ଥିଲେ। ଖବର ପାଇ ପଲମ ଫାଣ୍ଡି ପୋଲିସ ଘଟଣାସ୍ଥଳରେ ପହଞ୍ଚି ତଦନ୍ତ କରୁଥିବା ଜଣାପଡ଼ିଛି। ଗୁରୁତର ଦୁଇଜଣ ରୁପ୍ରାରୋଡ୍ ପଞ୍ଚାୟତ ଅଧିନ ବଲବସପୁର୍ ବୋଲି ଜଣାପଡିଛି। ଅଧିକ ଗୁରୁତର ହେବାରୁ ଆହତ ଦୁହିଁଙ୍କୁ ଭବାନୀପାଟଣା ସ୍ଥାନାନ୍ତର କରଯାଇଥିବା ସୂଚନା ମିଲିଛି।
