ସମ୍ମାନୀତ ହେଲେ ସମ୍ବଲପୁରୀ କଳା ସଂସ୍କୃତି ଅନୁଷ୍ଠାନର ପ୍ରତିଷ୍ଠାତା ସମ୍ପାଦକ ଟୋନିସ ରୋହିଦାସ
ଓଡ଼ିଆ ବାର୍ତ୍ତା/ ସମ୍ବଲପୁର: ପଶ୍ଚିମାଞ୍ଚଳ ଏକତା ମଞ୍ଚ ତରଫରୁ ସମ୍ବଲପୁରରେ ଚାଲିଥିବା ଚତୁର୍ଥ ସମ୍ବଲପୁରୀ ସମ୍ବେଳନ କାର୍ଯ୍ୟକ୍ରମରେ ‘ସମ୍ବଲପୁରୀ କଳା ସଂସ୍କୃତି ଅନୁଷ୍ଠାନ, ପାମରା’ର ପ୍ରତିଷ୍ଠାତା ସମ୍ପାଦକ ଟୋନିସ ରୋହିଦାସଙ୍କୁ ସମ୍ମାନ ପତ୍ର ଦେଇ ସମ୍ମାନିତ କରାଯାଇଛି। ସମ୍ବଲପୁରୀ ଭାଷା ସାହିତ୍ୟ, କଳା ସଂସ୍କୃତି, ପରମ୍ପରା, ନାଚ ଗୀତ, ଚିତ୍ରକଳା ତଥା ସମସ୍ତ କଳାକାର ମାନଙ୍କର ଉନ୍ନତି ପାଇଁ ସମ୍ବଲପୁରୀ କଳା ସଂସ୍କୃତି ଅନୁଷ୍ଠାନ ପାମରା ସୁନ୍ଦରଗଡ଼ ୪ବର୍ଷ ହେଲା କାର୍ଯ୍ୟ କରୁଛି। ଏହାକୁ ପରିଚାଳନା କରୁଛନ୍ତି ଟୋନିସ ରୋହିଦାସ। ଏଥି ପାଇଁ ତାଙ୍କୁ ସମ୍ମାନିତ କରାଯାଇଥିବା ଜଣାପଡିଛି। ପଶ୍ଚିମାଞ୍ଚଳର ଅନେକ ଅନୁଷ୍ଠାନର କର୍ମକର୍ତ୍ତାମାନେ ଏହି କାର୍ଯ୍ୟକ୍ରମରେ ଉପସ୍ଥିତ ଥିଲେ। ଅନେକ ପ୍ରତିଭା ଏହି ଅବସରରେ ସମ୍ବର୍ଦ୍ଧିତ ହୋଇଥିଲେ।
