ଓଡ଼ିଆ ବାର୍ତ୍ତା/ କୋକସରା (ହିରଣ୍ୟ ବେହେରା): କୋକସରା ବ୍ଲକ କାଶୀବାହାଲ ପ୍ରାଥମିକ କୃଷି ସମବାୟ ସମିତି ଲିଃ ଅଧିନ ଧନସରା ଠାରେ ଗୁରୁବାର ନୂତନ ଧାନ ମଣ୍ଡି ଉଦଘାଟିତ ହୋଇଛି। କାଶୀବାହାଲ ପେକ୍ସ ସଭାପତି ନିହାର ରଞ୍ଜନ ବେହେରାଙ୍କ ସଭାପତିତ୍ବରେ ଆୟୋଜିତ ଉଦଘାଟନୀ ସମାରୋହରେ ମୁଖ୍ୟ ଅତିଥି ଭାବେ କୋକସରା ବ୍ଲକ ଉପାଧ୍ୟକ୍ଷ ରାଜୀବ କୁମାର ଅଗ୍ରୱାଲ ଯୋଗଦେଇ ଆନୁଷ୍ଠାନିକ ଭାବେ ଶୁଭ ଉଦଘାଟନ କରିଥିଲେ। ମୁଖ୍ୟବକ୍ତା ଭାବେ ମାର୍କଣ୍ଡ ବେମାଲ, ସମ୍ମାନିତ ଅତିଥି ଭାବେ ବିଜେପି ନେତା ତ୍ରିନାଥ ଶବର, ଆରଏମସି କର୍ମଚାରୀ ରାହାସ ଧଙ୍ଗଡ଼ାମାଝୀ, ଜଗନ୍ନାଥ ଶତନାମୀ, ସମିତିସଭ୍ୟ ଗଜାନନ ନିଆଲ, ପଦ୍ମକିଶୋର ଶତନାମୀ, ଇଶରାମ ବେହେରା, ଗ୍ରାମ୍ୟ କୃଷି କର୍ମଚାରୀ ଋଷିମଣି ଗୌଡ଼ ପ୍ରମୁଖ ମଞ୍ଚାସିନ ରହି ବକ୍ତବ୍ୟ ରଖିଥିଲେ।ପୂର୍ବରୁ ଏହି ମଣ୍ଡିର ଭିତ୍ତିଭୂମି ନ ଥିବାରୁ ଖୋଲା ଆକାଶ ତଳେ ପଡିଆରେ ଖରା ବର୍ଷା ଶୀତ କାକରରେ ଚାଷୀ ଧାନ ବିକ୍ରି କରି ଆସୁଥିଲେ ଯାହା ଫଳରେ ଖରା ବର୍ଷାରେ ଚାଷୀ କଷ୍ଟ ସହିବା ସହ ଧାନ ମଧ୍ୟ ନଷ୍ଟ ହେଇ ଯାଉଥିଲା। ବର୍ତ୍ତମାନ ନୂତନ ମଣ୍ଡି ସହ ଗୋଦାମ ଗୃହ, କାର୍ଯ୍ୟାଳୟ, ଓଜନ ମେସିନ, ପାନୀୟ ଜଳ, ଚାଷୀ ବିଶ୍ରାମ ସ୍ଥଳ ବ୍ୟବସ୍ଥା କରାଯାଇଥିବାରୁ ଚାଷୀମାନେ ଖୁସି ବ୍ୟକ୍ତ କରିଛନ୍ତି। କାର୍ଯ୍ୟକ୍ରମକୁ ତନୁକଲାଲ ନାଗ ସଂଯୋଜନା କରିଥିବା ବେଲେ ରୁଦ୍ର ପ୍ରସାଦ ନାଏକ, ଖଗେଶ୍ୱର ଶତନାମୀ, ବଳରାମ ସତାନାମୀ, ଭଗତରାମ ଶତନାମୀ, ଅର୍ଜୁନ ଶବର, ଜୟଶଙ୍କର ପଟେଲ, ଦୁଷ୍ମନ୍ତ ପୁଝାରୀ, କପୁରଚନ ପଟେଲ, ସୀମାନ ଶତନାମୀ, ବିରଞ୍ଚି ଶବର ସମେତ ଅଞ୍ଚଳର ଶତାଧିକ ଚାଷୀ ଉପସ୍ଥିତ ରହିଥିଲେ।
