ଓଡ଼ିଆ ବାର୍ତ୍ତା/ କଳାହାଣ୍ଡି (ଲିଙ୍ଗରାଜ ମିଶ୍ର): ନର୍ଲା ବ୍ଲକ କନଫରେନ୍ସ ହଲ ଠାରେ ବ୍ଲକ ସ୍ତରୀୟ ଯୁବ ଉତ୍ସବ ତଥା ପ୍ରତୀଭା ଚୟନ ପ୍ରତିଯୋଗିତା ଅନୁଷ୍ଠିତ ହୋଇଯାଇଛି। ବିଏସଏସଓ ପ୍ରଦୀପ କୁମାର ବେହେରାଙ୍କ ଆବାହକତ୍ଵରେ ଆୟୋଜିତ ଉକ୍ତ ସମାବେଶରେ ବିଚାରକ ଭାବେ ବିକେଏସଏସ ନର୍ଲା ଉପସଭାପତି ସର୍ବେଶ୍ଵର ଭୋଇ, ବିକେଏସଏସ କେଜେଡସିସି ସଦସ୍ୟ ସଞ୍ଜୟ ଧଙ୍ଗଡାମାଝି, ବିଏଫଓ ନର୍ଲା ପଞ୍ଚାନନ ତାଣ୍ଡି, ସାହିତ୍ୟ ନାଟକ କଳା ପରିଷଦ ରେଖପୁରର ସଭାପତି ପ୍ରକାଶ ଚନ୍ଦ୍ର ଭୋଇ ପ୍ରମୁଖ ଦାଇତ୍ୱ ନିର୍ବାହ କରିଥିଲେ। ଉକ୍ତ ଉତ୍ସବରେ ଦଳଗତ ଲୋକନୃତ୍ୟ, ଦଳଗତ ଲୋକ ସଂଗୀତ, ଏକାକି ଲୋକନୃତ୍ୟ ତଥା ଏକାକି ଲୋକ ସଂଗୀତ ପରିବେଷିତ ହୋଇଥିଲା।
