ଓଡ଼ିଆ ବାର୍ତ୍ତା/ ବିଷମକଟକ (ପଦ୍ମନ ଭତ୍ରା): ରାୟଗଡା ଜିଲ୍ଲା ବିଷମକଟକ ବ୍ଲକର ନାନେରୀ ଗୁଡା ଶିକ୍ଷା ପରିସରରେ ତ୍ରିରତ୍ନ ବୌଦ୍ଧ ମହାସଂଘ (କଳିଙ୍ଗମିତ୍ର) ଶାଖା ପକ୍ଷରୁ ଚାରି ଦିନିଆ ଧମ୍ମ ଶିବିର ଅନୁଷ୍ଠିତ ହୋଇଯାଇଛି l ଏହି ଶିବିରରେ ରାୟଗଡା ଏବଂ ବାହାର ଅଞ୍ଚଳରୁ ଶତାଧିକ ପରିବାର ଯୋଗ ଦେଇଥିଲେ l ଧମ୍ମ ଶିବିରରେ ବାବାସାହେବ ଡ଼ଃ ଆମ୍ବେଦକରଙ୍କ ଲିଖିତ ପୁସ୍ତକ “ମୁକ୍ତିର ମାର୍ଗ” ଓ “ଧମ୍ମର ବାଇସି ପ୍ରତିଜ୍ଞା” ଉପରେ ଶିକ୍ଷା ଦିଆଯାଇଥିଲା l ଏଥିସହ ମାନବତା, ନୀତିଶୀଳତା ଏବଂ ଧମ୍ମ ଉପରେ ଗଭୀର ଆଲୋଚନା କରାଯାଇଥିଲା l ଏଥିରେ ଧମ୍ମଚାରି ଅମିତାଇଉସ, ଧମ୍ମଚାରି ରତ୍ନକୁମାର, ଧମ୍ମଚାରି ଧମ୍ମସେନ ଓ ଧମ୍ମଚାରି ମୈତ୍ରୀରତ୍ନ ଉପସ୍ଥିତ ରହିଥିଲେ l ଏହି ଶିବିର ମାଧ୍ୟମରେ ଅନେକ ମଣିଷ ବୌଦ୍ଧ ଧମ୍ମ ଦର୍ଶନ ନୈତିକତା ବିଷୟ ଜାଣିଥିଲେ l
