ଓଡ଼ିଆ ବାର୍ତ୍ତା/ କନ୍ଧମାଳ (ମନୋରଞ୍ଜନ ରାୟ): କୋଟଗଡ ବ୍ଲକ୍ ସୁବର୍ଣ୍ଣଗିରି ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ର ଅନ୍ତର୍ଗତ ଉପରସୁବର୍ଣ୍ଣଗିରି କେନାଲରେ ହଠାତ ଭାସି ଆସିଲା ମୃତ ରକ୍ତଜୁଡୁବୁଡୁ ନବଜାତ | ଅଂଚଳରେ ଲାଗିରହିଛି ହଲଚଲ | ପ୍ରତ୍ୟକ୍ଷ ଦର୍ଶୀଙ୍କ କହିବାନୁଯାଇ ସବୁଦିନ ପରି ସକାଳୁ ଉଠିଲା ବେଳକୁ ଏକ ଭୃଣ କିମ୍ବା ଠିକ ପ୍ରସବ ପୂର୍ବର ମୃତ ନବଜାତ ଶିଶୁଟି ଆସି ସାହି ମୋଝୀ କେନାଲରେ ଲାଗିଥିବାର ସମସ୍ତେ ଦେଖିଥିଲେ | ତା ପରେ ନିଜ ନିଜ ଭିତରେ ଟୁପୁରୁ ଟାପୁର ଚଲେଇବା ସହ ଦୁଃଖ ପ୍ରକାଶ କରିଥିଲେ | ଆଉ ସମାଜକୁ ଦେଖିବା ପୂର୍ବରୁ କେଉଁ ମା ଜନ୍ମ ପୂର୍ବରୁ ରକ୍ତଜୁଡୁବୁଡୁ ଶିଶୁଟିକୁ କେନାଲ ସ୍ରୋତରେ ଭସାଇଦେଲା ତାକୁ ନେଇ ଚାଲିଲା ନାନା ଚର୍ଚ୍ଚା | ହେଲେ ଘଟଣା ପ୍ରଘଟ ହେଲା ପରେ କଥାଯାଇଥିଲା ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ର ସୁବର୍ଣ୍ଣଗିରି ଇନଚାର୍ଜ ଭଗବାନ ସୋରେନଙ୍କ ପାଖକୁ।ତାପରେ ସେ ସେହି ଅଂଚଳର ଆଶା, ଅଙ୍ଗନବାଡି ଓ ଏଏନଏମ ଙ୍କୁ ଏ ନେଇ ରିପୋର୍ଟ ତଲବ କରୁଥିବା ଜଣାପଡିଛି | ହେଲେ କିଏ ଓ କାହିଁକି ଏପରି ନିଷ୍ପାପ ନବଜାତକୁ ରାତି ଅନ୍ଧକାରରେ କେନାଲ ଙ୍କୁ ଫିଙ୍ଗି ଦେଇଥିବା କଥା କୁ ନେଇ ଲାଗି ରହିଛି ସସ୍ପେନସ | ମା ଓ ଶିଶୁ ସୁରକ୍ଷା ପାଇଁ ଆଶା, ଅଙ୍ଗନବାଡି, ଏଏନଏମ, ସିଏଚଓ, ଡାକ୍ତର ସମେତ ବହୁ ସ୍ୱାସ୍ଥ୍ୟ କର୍ମୀ ନିୟୋଜିତ ହୋଇଥାନ୍ତି।ବିବାହ ପଞ୍ଜିକରଣ, ଗର୍ଭ ପଞ୍ଜିକରଣ କରିବା, ଗର୍ଭବତୀ ମାଙ୍କ ର ସ୍ୱାସ୍ଥ୍ୟ ପରୀକ୍ଷା ବାରମ୍ବାର କରିବା ସହ ପ୍ରତି ମାସ ର ୯ ତାରିଖରେ ପ୍ରଧାନ ମନ୍ତ୍ରୀ ସୁରକ୍ଷିତ ମାତୃତ୍ୱ ଅଭିଯାନ ପରି କାଯ୍ୟକ୍ରମ ମାନ ଚାଲିଥିବା ସତ୍ୱେ ଏହି ଭଳି କିପରି ଘଟିଗଲା କେହି କେମିତି ଜାଣି ପାରିଲେନି। ଖବର ପାଇ ଘଟଣା ସ୍ଥଳରେ କୋଟଗଡ ପୁଲିସ, ସ୍ଥାନୀୟ ସରପଞ୍ଚ, ଶିକ୍ଷା ଓ ସ୍ୱାସ୍ଥ୍ୟ ବିଭାଗର ସାଂସଦ ପ୍ରତିନିଧି କୋଟଗଡ ମଧ୍ୟ ପହଁଚି ତଦନ୍ତ କରିଥିବା ଦେଖିବାକୁ ମିଳିଛି |
