ଓଡ଼ିଆ ବାର୍ତ୍ତା/ କଳାହାଣ୍ଡି (ଲିଙ୍ଗରାଜ ମିଶ୍ର): ୭୯ତମ ସ୍ବାଧିନତା ଦିବସ ଦେଶସାରା ପାଳିତ ହୋଇଛି। ସ୍ବାଧିନ ଭାରତର ଏହି ମହାନ ପର୍ବରେ ସମସ୍ତେ ସାମିଲ ହୋଇଛନ୍ତି। ଏହି କ୍ରମରେ କଳାହାଣ୍ଡି ଜିଲ୍ଲା ନର୍ଲା ବ୍ଳକର ୨୬ଗୋଟି ଗ୍ରାମ ପଞ୍ଚାୟତ ଏବଂ ସମସ୍ତ ଗାଁରେ ସ୍ବାଧିନତା ଦିବସ ପାଳିତ ହୋଇଯାଇଛି। ଉଲିକୁପା ସ୍ଥିତ ଉଚ୍ଚ ମାଧ୍ୟମିକ ବିଦ୍ୟାଳୟରେ ବରିଷ୍ଠ ଶିକ୍ଷକ ପର୍ଶୁରାମ ସାହୁଙ୍କ ଅଧ୍ୟକ୍ଷତାରେ ଆୟୋଜିତ ୭୯ ତମ ସ୍ବାଧିନତା ଦିବସ କାର୍ଯ୍ୟକ୍ରମରେ ମୁଖ୍ୟ ଅତିଥି ଭାବେ ନର୍ଲା ଜୋନ୍-୨ ଜିଲ୍ଲା ପରିଷଦ ସଦସ୍ୟ ହରିଶଙ୍କର ମାଝୀ ଉପସ୍ଥିତ ରହି ପତାକା ଉତ୍ତୋଳନ କରିଥିଲେ। ଅନ୍ୟ ମାନଙ୍କ ମଧ୍ୟରେ ବିଦ୍ୟାଳୟର ଦମୟନ୍ତୀ ମାଝୀ, ଚନ୍ଦ୍ରିକା ରଣା, ଜିତେନ୍ଦ୍ର ବିଶ୍ୱାଳ, ଅଙ୍କିତ ଖମାରୀ, ମେଟ୍ରନ ଦିବ୍ୟକାନ୍ତି ବୁଦ୍ଧିଆ, ଶାନ୍ତି ଲତା ମାଝୀ, ଜୟନ୍ତୀ ଶବର, ଚୈତନ୍ୟ ଗଉଡ, ଛାତ୍ର ଛାତ୍ରୀ ଓ ଶିକ୍ଷକ ଶିକ୍ଷୟତ୍ରୀମାନେ ଉପସ୍ଥିତ ଥିଲେ। ସେହିପରି ଭାବେ ଉଲିକୁପା ଗ୍ରାମ ପଞ୍ଚାୟତ କାର୍ଯ୍ୟାଳୟରେ ସରପଞ୍ଚ ଦିପାଞ୍ଜଳୀ ଶବରଙ୍କ ସଭାପତିତ୍ବରେ ଅନୁଷ୍ଠିତ ସ୍ବାଧୀନତା ଦିବସ ସମାରୋହରେ ମୁଖ୍ୟଅତିଥି ଭାବେ ଜିଲ୍ଲାପରିଷଦ ସଦସ୍ୟ ହରିଶଙ୍କର ମାଝୀ ଯୋଗଦେଇ ଜାତୀୟ ପତାକା ଉତ୍ତୋଳନ କରିବା ସହ ଉପସ୍ଥିତ ଜନସାଧାରଣଙ୍କୁ ସମ୍ବୋଧିତ କରିଥିଲେ। ଉକ୍ତ ଉତ୍ସବରେ ଗ୍ରାମ ପଞ୍ଚାୟତର ନାଏବ ସରପଞ୍ଚ ରିତା ମାଝୀ, ଓ୍ଵାଡ ସଭ୍ୟ ସଭ୍ୟା ଖଗେଶ୍ବର ଝାଙ୍କର , ଇଶ୍ଵର ଶବର, ଏଡିଓ ସାହୁ ବାବୁ, ଯୋଗାଣ ସହାୟକ ପରମେଶ୍ବର ସା, ସମାଜସେବୀ ଚିତ୍ର ସେନ ଶବର, ଲିଙ୍ଗରାଜ ଶବର, ଶିକ୍ଷୟିତ୍ରୀ ଦମୟନ୍ତୀ ମାଝୀ, ଚନ୍ଦ୍ରିକା ରଣା, ଦିପକ ମଲ୍ଲିକ, ଜିତେନ୍ଦ୍ର ବିଶ୍ୱାଳ, ଅଙ୍ଗନବାଡି କର୍ମୀ, ଆଶା କର୍ମୀ, ଏମବିକେ କୁସୁମ ଲତା ଦାସ, ସିଆରପି, ସ୍ବୟଂ ସହାୟକ ଗୋଷ୍ଠୀର ସଦସ୍ୟା ଓ ଗ୍ରାମ ପଞ୍ଚାୟତର ଜନ ସାଧାରଣ ଉପସ୍ଥିତ ଥିଲେ। ସରିଆଁ ଗ୍ରାମ ପଞ୍ଚାୟତ କାର୍ଯ୍ୟାଳୟରେ ଆୟୋଜିତ ସ୍ବାଧିନତା ଦିବସ ସମାରୋହ ସରପଞ୍ଚ ଓମପ୍ରକାଶ ଛତ୍ରିଆଙ୍କ ଅଧ୍ୟକ୍ଷତାରେ ଅନୁଷ୍ଠିତ ହୋଇଥିଲା। ଏଥିରେ ମୁଖ୍ୟ ଅତିଥି ଭାବେ ଜିଲ୍ଲା ପରିଷଦ ସଦସ୍ୟ ହରିଶଙ୍କର ମାଝୀ ଯୋଗଦେଇ ଜାତୀୟ ପତାକା ଉତ୍ତୋଳନ କରିଥିଲେ। ଏହି ଅବସରରେ ସରିଆଁ ଗ୍ରାମ ପଞ୍ଚାୟତରେ ପଲ୍ଲୀ ସଭା ଅନୁଷ୍ଠିତ ହୋଇଥିଲା।
