ଓଡ଼ିଆ ବାର୍ତ୍ତା/ କଳାହାଣ୍ଡି (ନିଲେଶ କୁମାର ନାଗ): ଭବାନୀପାଟଣା ସହର ଉପକଣ୍ଠସ୍ଥ ପ୍ରଗତି ବିଜ୍ଞାନ ଉଚ୍ଚ ମାଧ୍ୟମିକ ବିଦ୍ୟାଳୟର ପ୍ରାଚୀର ପତ୍ରିକା “ମହକ୍” ଉନ୍ମୋଚିତ ହୋଇଯାଇଛି ।
ଏହି କାର୍ଯ୍ୟକ୍ରମରେ ପ୍ରଗତି ଶିକ୍ଷାନୁଷ୍ଠାନର ମୁଖ୍ୟ ଇଂ ଅଜୟ କୁମାର ପଣ୍ଡା ଉପସ୍ଥିତ ରହି ଉକ୍ତ ପତ୍ରିକାଟି ଉନ୍ମୋଚନ କରିଥିଲେ ।
କାର୍ଯ୍ୟକ୍ରମରେ ଅନ୍ୟ ଅତିଥିମାନଙ୍କ ମଧ୍ୟରେ ଅଧ୍ୟକ୍ଷ ଶେଷଦେଵ ମୁଣ୍ଡ, ଉପାଧ୍ୟକ୍ଷ ଅଶୋକ କୁମାର ସାହୁ, ମୁଖ୍ୟ ଶିକ୍ଷା ସଂଯୋଜକ ଅଞ୍ଜନ
କୁମାର ରଣା, ପ୍ରଶାସନିକ ଅଧିକାରୀ ପ୍ରଣବ କୁମାର ପଣ୍ଡା ଏବଂ ସମସ୍ତ ଅଧ୍ୟାପକ ଅଧ୍ୟାପିକା ତଥା ଅନୁଷ୍ଠାନର ସମସ୍ତ ଛାତ୍ରଛାତ୍ରୀ ଉପସ୍ଥିତ ରହିଥିଲେ ।
ଅଜୟ କୁମାର ପଣ୍ଡାଙ୍କ ଉପଦେଷ୍ଟାରେ ଏହି ପତ୍ରିକାଟିରେ ଶେଷଦେଵ ମୁଣ୍ଡ ସମ୍ପାଦନା କରିଥିବା ବେଳେ ପତ୍ରିକାଟିର ପ୍ରଚ୍ଛଦପଟ ଝସକେତନ ସାହୁ ଓ ଚିତ୍ତରଞ୍ଜନ ନନ୍ଦ ପ୍ରସ୍ତୁତ କରିଥିଲେ ।
ଏଭଳି ଏକ ନୂତନ ପ୍ରୟାସ ନିମନ୍ତେ ଶ୍ରୀ ପଣ୍ଡା ସମସ୍ତ ଅଧ୍ୟାପକ ଅଧ୍ୟାପିକାମାନଙ୍କୁ ଧନ୍ୟବାଦ ଦେବା ସହିତ ଛାତ୍ରଛାତ୍ରୀମାନଙ୍କୁ ସାହିତ୍ୟ ରଚନା ଜାରି ରଖିବାକୁ ଉତ୍ସାହିତ କରିବା ସହିତ ପ୍ରସଂଶା କରିଥିଲେ ।
