ଓଡ଼ିଆ ବାର୍ତ୍ତା/ କଳାହାଣ୍ଡି (ଲିଙ୍ଗରାଜ ମିଶ୍ର): ନର୍ଲା ବ୍ଲକ ଅନ୍ତର୍ଗତ ରୁପ୍ରାରୋଡ ଗ୍ରାମପଞ୍ଚାୟତର ବଲବସପୁର ଗ୍ରାମରେ ଚଳିତ ମାସ ୧୫ ତାରିଖରେ ଅଗ୍ନିଭୈରବ ନାଟ୍ୟକଳା ସଂଘର ପୁନରୁତ୍ଥାନ ଓ ବଲବସପୁର ମହୋତ୍ସବ ମହାସମାରୋହ ରେ ଅନୁଷ୍ଠିତ ହେବ।
ଜିଲ୍ଲାର କଳାସଂକୃତି, ସଂଗଠନ ଓ ସେବା କ୍ଷେତ୍ରରେ ବିଶେଷ ଅବଦାନ ରଖିଆସିଥିବା ଏହି ଅନୁଷ୍ଠାନର ଅନେକ ପ୍ରତିଭା ରାଜ୍ୟ ତଥା ଆନ୍ତଃରାଜ୍ୟ ସ୍ତରରେ ବିଭିନ୍ନ କ୍ଷେତ୍ରରେ ଉତ୍କର୍ଷ ହାସଲ କରିଛନ୍ତି।
ଏହି ଅନୁଷ୍ଠାନ ର ବିକାଶ ସହିତ ଅଞ୍ଚଳର ବିଭିନ୍ନ ବିକାଶରେ ସହାଭାଗୀତା ଓ ସହଯୋଗ ଭଳି ଏକ ମହାନ ଉଦ୍ଦେଶ୍ୟ ନେଇ ଏଭଳି ଏକ ପଦକ୍ଷେପ ଗ୍ରାମର ଯୁବ ଓ ଅଭିଜ୍ଞ ବ୍ୟକ୍ତିଙ୍କ ପରିକଳ୍ପନା ଏହି ମହୋତ୍ସବ।
ଏକଦିବସୀୟ ଏହି ସାଂସ୍କୃତିକ ଉତ୍ସରେ ଦିନସାରା ଗ୍ରାମର ମହିଳା, ପୁରୁଷ, ଛାତ୍ରଛାତ୍ରୀଙ୍କ ମଧ୍ୟରେ ବିଭିନ୍ନ ପ୍ରତିଯୋଗିତା ହେବାକୁ ଥିବାବେଳେ, ରାତିରେ ଭଜନ ସନ୍ଧ୍ୟା ଓ ଅନୁଷ୍ଠାନର କଳାକାର ମାନଙ୍କ ଦ୍ୱାରା ପ୍ରସ୍ତୁତ ସାମାଜିକ ନାଟକ “ବଞ୍ଚିବାକୁ ଏଠି ଡର ଲାଗୁଛି” ମୁଖ୍ୟ ଆକର୍ଷଣ ହେବ।
ଅନୁଷ୍ଠାନର ଏହି ପଦକ୍ଷେପକୁ ବିଭିନ୍ନ ମହଲରେ ପ୍ରଶଂସା କରାଯାଇଥିବା ବେଳେ ବେଳ ଗ୍ରାମବାସୀ ଏହାର ସଫଳତା ପାଇଁ ଉତ୍ସାହର ସହିତ ଲାଗିପଡିଛନ୍ତି।
