ଓଡିଶା ମାଟିର ଓଡ଼ିଆ ସନ୍ତାନ
ପଖାଳ ଆମର ପ୍ରିୟ
ମାଟି ସାଙ୍ଗେ ଯୁଝି ଖାଇବା ଯୋଗାଉ
ଚାଷୀ ଆମ ପରିଚୟ l
ଲୁଣ ଲଙ୍କା ସାଙ୍ଗେ ପିଆଜ ଟେ ଥିଲେ
ପଖାଳ କଂସାଏ ଉଠେ
ଚାଷୀ ପରିବାର ସରଧାରେ ଖାଉ
ହସ ଫୁଟୁଥାଏ ଓଠେ l
ଲୋଡ଼ା ପଡେ ନାହିଁ ଦଶ ପରକାର
ଭଜା ସାଙ୍ଗେ ମିଠା ଦହି
ଶୁଖୁଆ ପୋଡା ଟା ମିଳିଯାଏ ଯଦି
ସ୍ୱର୍ଗ ସୁଖ ଥାଉ ପାଇ l
ବର୍ଷ ସାରା ପାଳୁ ପଖାଳ ଦିବସ
କରିଥାଉ କ୍ଷେତେ କର୍ମ
ଦିବସ ପାଳିବା ଖୁସି ମନାଇବା
ବଡ ବଡ଼ିଆଙ୍କ ଧର୍ମ l
ବିଳାସ ଚନ୍ଦ୍ର ବେହେରା
ନଳିତା ନିଳୟ,
ବନ୍ତୁଣିଆ, ୪୨ମୋୖଜ଼ା, କଟକ
