ଲାଞ୍ଜିଗଡ଼,୧୭/୩ : ଲାଞ୍ଜିଗଡ଼ ବ୍ଲକର ବିଶ୍ୱନାଥପୁର ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ର, ଲାଞ୍ଜିଗଡ଼ ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ର ଓ ବେଦାନ୍ତ ମେଡିକାଲ ବୁଲି ଦେଖିବା ସହ ସଚେତନ କରାଇଲେ ଲାଞ୍ଜିଗଡ଼ ବ୍ଲକ ଅଧ୍ୟକ୍ଷ ଇଂ. ଫକିର ମୋହନ ମାଝୀ, ବିଡ଼ିଓ ଜିତେନ୍ଦ୍ର କୁମାର ମିଶ୍ର, ଉପାଧ୍ୟକ୍ଷା ତୁଳସୀ ନାଏକ ଓ ବିଶ୍ୱନାଥପୁର ମେଡିକାଲର ଡା଼. ସୁମନ୍ତ ସାହୁ। ଦେଶ ତଥା ରାଜ୍ୟରେ କୋରୋନା ଭୁତାଣୁ ଚିହ୍ନଟ ପରେ ସମସ୍ତଙ୍କ ମଧ୍ୟରେ ଏକ ପ୍ରକାର ଭୟ ଦେଖା ଦେଇଥିବାବେଳେ କିପରି ଏହାର ମୁକାବିଲା କରିବା ଓ ସେହି ଲକ୍ଷଣ ଦେଖା ଯାଉଥିବା ରୋଗୀଙ୍କୁ ପରୀକ୍ଷା ପାଇଁ ମେଡିକାଲ ମାନଙ୍କରେ ଏକ ଆଇସୁଲେସନ ଉଆଡ଼ର ବ୍ୟବସ୍ଥା ଓ ସ୍ବଚ୍ଛ ରଖିବା ପାଇଁ ମେଡିକାଲ କର୍ତ୍ତୃପକ୍ଷଙ୍କୁ କହିଥିଲେ। ଲାଞ୍ଜିଗଡ଼ରେ ଏକ କାରଖାନା ଥିବା ଯୋଗୁଁ ଦେଶର ବିଭିନ୍ନ ରାଜ୍ୟର ଲୋକ କାମ କରୁଥିବା ବେଳେ ଏହି ଭାଇରାଲ ପ୍ରତି ସଜାଗ ରହିବା ଆବଶ୍ୟକ ବୋଲି ବ୍ଲକ ଅଧ୍ୟକ୍ଷ ଇଂ. ମାଝୀ କହିଥିଲେ।