କୋକସରା,୨୯/୭: କରୋନା ସଂକ୍ରମଣକୁ ଦୃଷ୍ଟିରେ ରଖି ମୋଟେର ପଞ୍ଚାୟତକୁ ୨୪ ଘଣ୍ଟା ପାଇଁ ସଟ୍‌ଡାଉନ ଘୋଷଣା କରିଛନ୍ତି ସରପଞ୍ଚ ସୁଶୀଲ ଶବର । ଗୁରବାର ମୋଟେର ସାପ୍ତାହିକ ହାଟ ବସୁଥିବାରୁ ପଡ଼ୋଶୀ ବ୍ଲକରୁ ଅନେକ ବ୍ୟବସାୟୀ ଆସୁଛନ୍ତି । ତେଣୁ ସତର୍କତା ପଦକ୍ଷେପ ଏବଂ ସୁରକ୍ଷା ଦୃଷ୍ଟିରୁ ସରପଞ୍ଚ ଏହି ପଦକ୍ଷେପ ନେଇଛନ୍ତି । ଡ଼ାକବାଜି ଯନ୍ତ୍ରରେ ଆଜି ପ୍ରଚାର କରି ଲୋକଙ୍କୁ ଅବଗତ କରାଯାଇଛି । ଏହି ସଟ୍‌ଡାଉନ ଯୋଗୁଁ ଆସନ୍ତା କାଲି ମୋଟେର ପଞ୍ଚାୟତର ସାପ୍ତାହିକ ହାଟ ସହ ଦୋକାନ ବଜାର ବନ୍ଦ ରହିବ । କିନ୍ତୁ ସଟଡାଉନରୁ ଜରୁରୀକାଳୀନ ସେବାକୁ ବାଦ୍ ଦିଆଯାଇଛି ।