ଧର୍ମଗଡ଼,୩୦/୭: କରୋନା ଶୃଙ୍ଖଳାକୁ ଛିନ୍ନ କରିବାପାଇଁ ଫୁଲ୍ ଦମରେ ଲାଗି ପଡିଛି ପ୍ରଶାସନ । ଧର୍ମଗଡ଼ ବିଜ୍ଞାପିତ ଅଞ୍ଚଳ ପରିଷଦ ପକ୍ଷରୁ ଧର୍ମଗଡ଼ ସହରକୁ ଗୋଟିଏ ଦିନ ସମ୍ପୂର୍ଣ ସଟ୍ ଡାଉନ୍ ଘୋଷଣା କରାଯାଇଛି । ଧର୍ମଗଡର ବିଭିଭିନ୍ନ ଛକରେ ଜଗିବସିଛି ପୋଲିସ । ଚାଲିଛି କଡାକଡି ଯାଞ୍ଚ । ଧର୍ମଗଡରୁ କାହାକୁ ବାହାରକୁ ଯିବାକୁ ଅନୁମତି ଦେଉନାହିଁ କି ଧର୍ମଗଡ ସହରକୁ ଆସିବା ପାଇଁ ଅନୁମତି ନାହିଁ । ଏହାସହ ପଡୋଶୀ ରାଜ୍ୟ ଛତିଶଗଡ ସୀମାକୁ ମଧ୍ୟ ଜଗିବସିଛି ପୋଲିସ । ସହରର ଘରକୁ ଘର ବୁଲି ଆଶା କର୍ମୀ ଅଙ୍ଗନୱାଡ଼ି କର୍ମୀ, ସ୍ବାସ୍ଥ୍ୟ ବିଭାଗର କର୍ମଚାରୀମାନେ ଆରମ୍ଭ କରିଛନ୍ତି ସ୍କ୍ରିନି ଟେଷ୍ଟ । ସହରର ୧୫ ଗୋଟି ୱାର୍ଡକୁ ବୁଲି ବୁଲି ନିରୀକ୍ଷା କରିବା ସହ ସମସ୍ତଙ୍କୁ ସହଯୋଗ କରିବାକୁ ଅନୁରୋଧ କରାଯାଇଛି । ସେଭଳି କୌଣସି ଲକ୍ଷଣ ଥିବା ବ୍ୟକ୍ତି ଜଣା ପଡେ ତାହେଲେ ତାଙ୍କ ପାଇଁ ସ୍ଵତନ୍ତ୍ର ବ୍ୟବସ୍ଥା କରିବାକୁ ପ୍ରଶାସନ ପକ୍ଷରୁ କୁହାଯାଇଛି । ସମୁଦାୟ ୩୧ ଟି ଟିମ୍ ଗଠନ କରା ଯାଇଛି ଓ ୭ ଗୋଟି ୱାର୍ଡ ଅଫିସର ନିଯୁକ୍ତି ହେବା ସହ ଧର୍ମଗଡ଼ରେ ତିନୋଟି ସ୍ୱାବ ସଂଗ୍ରହ କେନ୍ଦ୍ର କରାଯାଇ ସ୍ଵାବ ସଂଗ୍ରହ କରାଯାଉଛି ।