ନମସ୍ତେସ୍ତୁ ମହମାୟେ ଶ୍ରୀପୀଠେ ସୁରପୂଜିତେ।
ଶଙ୍ଖଚକ୍ରଗଦାହସ୍ତେ ମହାଲକ୍ଷ୍ମି ନମୋସ୍ତୁତେ ।।୧।।
ନମସ୍ତେ ଗରୁଡ଼ାରୂଢେ କୋଳାସୁରଭୟଂକରି।
ସର୍ବପାପହରେ ଦେବି ମହାଲକ୍ଷ୍ମି ନମୋସ୍ତୁତେ ।।୨।।
ସର୍ବଜ୍ଞେ ସର୍ବବରଦେ ସର୍ବ ଦୁଷ୍ଟ ଭୟଙ୍କରି।
ସର୍ବଦୁଃଖହରେ ଦେବି ମହାଲକ୍ଷ୍ମି ନମୋସ୍ତୁତେ ।।୩।।
ସିଦ୍ଧି ବୁଦ୍ଧି ପ୍ରଦେ ଦେବି ଭୁକ୍ତି ମୁକ୍ତି ପ୍ରଦାୟିନି।
ମନ୍ତ୍ରମୂର୍ତେ ସଦା ଦେବି ମହାଲକ୍ଷ୍ମି ନମୋସ୍ତୁତେ ।।୪।।
ଆଦ୍ୟାନ୍ତରହିତେ ଦେବି ଆଦ୍ୟଶକ୍ତି ମହେଶ୍ଵରି।
ଯୋଗଜେ ଯୋଗସମ୍ଭୂତେ ମହାଲକ୍ଷ୍ମି ନମୋସ୍ତୁତେ ।।୫।।
ସ୍ଥୂଳ ସୂକ୍ଷ୍ମ ମହାରୌଦ୍ରେ ମହାଶକ୍ତିମହୋଦରେ।
ମହାପାପ ହରେ ଦେବି ମହାଲକ୍ଷ୍ମି ନମୋସ୍ତୁତେ ।।୬।।
ପଦ୍ମାସନସ୍ଥିତେ ଦେବି ପରବ୍ରହ୍ମ ସ୍ୱରୂପିଣୀ।
ପରମେଶ ଜଗନ୍ମାତର୍ମହାଲକ୍ଷ୍ମି ନମୋସ୍ତୁତେ ।।୭।।
ଶ୍ଵେତାମ୍ବରଧରେ ଦେବି ନାନାଳଙ୍କାର ଭୂଷିତେ।
ଜଗତ୍ସ୍ଥିତେ ଜଗନ୍ମାତର୍ମହାଲକ୍ଷ୍ମି ନମୋସ୍ତୁତେ ।।୮।।
ମହାଲକ୍ଷ୍ମ୍ୟଷ୍ଟକଂ ସ୍ତୋତ୍ରଂ ଯଃ ପଠେଦ୍ଭକ୍ତିମାନ୍ନରଃ।
ସର୍ବସିଦ୍ଧିମବାପ୍ନୋତି ରାଜ୍ୟଂ ପ୍ରାପ୍ନୋତି ସର୍ବଦା ।।୯।।
ଏକକାଳ ପଠେନ୍ନିତ୍ୟଂ ମହାପାପବିନାଶନମ୍।
ଦ୍ଵିକାଳଂ ଯଃ ପଠେନ୍ନିତ୍ୟଂ ଧନଧାନ୍ୟସମନ୍ଵିତଃ ।।୧୦।।
ତ୍ରିକାଳଂ ଯଃ ପଠେନ୍ନିତ୍ୟଂ ମହାଶତ୍ରୁବିନାଶନଂ।
ମହାଲକ୍ଷ୍ମିର୍ଭବେନ୍ନିତ୍ୟଂ ପ୍ରସନ୍ନା ବରଦା ଶୁଭା ।।୧୧।।
Click here to Like us on Facebook
https://facebook.com/odiabarta
