କୋକସରା, (ହିରଣ୍ୟ ବେହେରା): ଯୁବ କ୍ରିୟାନୁଷ୍ଠାନ କମିଟି ସିଉନି ଓ ନେହେରୁ ଯୁବକେନ୍ଦ୍ର କଳାହାଣ୍ଡିର ମିଳିତ ଆନୁକୂଲ୍ୟରେ ସିଉନି ଗ୍ରାମ ପରିସରରେ ସ୍ୱଚ୍ଛତା କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି। ରାଷ୍ଟ୍ରୀୟ ଯୁବ ସ୍ବେଛାସେବୀ କୋପନେଶ୍ୱର ବେମାଲଙ୍କ ତତ୍ଵାବଧାନ ରେ ଆୟୋଜିତ ଉକ୍ତ କାର୍ଯ୍ୟକ୍ରମକୁ ଯୁବ କ୍ରିୟାନୁଷ୍ଠାନ କମିଟିର ସଭାପତି ଭୁବନେଶ୍ୱର ଦିଶାରୀଙ୍କ ସହିତ କ୍ଳବ ର ଅନେକ ସଦସ୍ୟମାନେ ସହଯୋଗ କରିଥିଲେ।
ଏହି ଅବସରରେ ରାଷ୍ଟ୍ରୀୟ ସ୍ବେଛାସେବୀ ଶ୍ରୀ ବେମାଲ ଯୁବ ବର୍ଗଙ୍କୁ ସ୍ୱଚ୍ଛ ଗ୍ରାମ ଓ ସବୁଜ ଗ୍ରାମ ଉପରେ ସମ୍ୟକ ଧାରଣା ଦେଇ କାର୍ଯ୍ୟ ରେ ରୂପାନ୍ତରିତ କରିବାକୁ ଉତ୍ସାହ ପ୍ରଦାନ କରିଥିଲେ।
