✒️ଜ୍ୟୋତ୍ସ୍ନାରାଣୀ ଧଙ୍ଗଡ଼ାମାଝୀ
ଦେବୀ ପୂଜାରେ ସିନା
ଏ ନର ତରତର,
ଘରର ଦେବୀକୁ କରେ
ଅକଥନୀୟ ଅତ୍ୟାଚାର।
ପର ଘର ଝିଅ ବୋଲି
ନଥାଏ କିଛିରେ ଅଧିକାର,
ଘରର ସବୁ କାମ କରି
ମିଳେ ଖାଲି ତିରସ୍କାର।
ସ୍ୱାଧୀନ ହୋଇଛି ଦେଶ
ସ୍ୱାଧୀନ ନୁହଁଇ ନାରୀ,
ଇଚ୍ଛାମତେ କିଛି କରିବା ମନା
ଗୋଡ଼େ ତା ଲାଗିଛି ଡୋରୀ।
କଥାରେ ଅଛି ସିନା
ଦୁହିତା ଦୁଇ କୁଳକୁ ହିତା,
ଆଜିର ଏ ଦୁନିଆରେ
ସେ ସମସ୍ତଙ୍କୁ ଲାଗେ ପିତା।
ଯେବେ ନାରୀକୁ ମିଳିବ ପୂର୍ଣ୍ଣ ଅଧିକାର
ତା ଜୀବନେ ଆସିବ ଶୁଭ ଦିନ,
ସେବେ ହିଁ କହିବ ସମସ୍ତେ
ମହିଳା ଦିବସର ଅଭିନନ୍ଦନ!
ଶିକ୍ଷୟିତ୍ରୀ,
ସରକାରୀ ଉଚ୍ଚ ପ୍ରାଥମିକ ବିଦ୍ୟାଳୟ, ମାଣ୍ଡେଲ,
ନର୍ଲା, କଳାହାଣ୍ଡି
