କୋକସରା, (ହିରଣ୍ୟ ବେହେରା): ନେହେରୁ ଯୁବ କେନ୍ଦ୍ର କଳାହାଣ୍ଡି ଓ ଲାଲ ବାହଦୁର ଶାସ୍ତ୍ରୀ ଯୁବକ ସଂଘ ସହାୟତାରେ କୋକସରା ବ୍ଲକ ଦାବ୍ରିଗୁଡା ଠାରେ ‘ସ୍ୱଚ୍ଛ ଭାରତ’ ମିଶନ କାର୍ଯ୍ୟକ୍ରମ ଅନୁଷ୍ଠିତ ହୋଇଛି । କାର୍ଯ୍ୟକ୍ରମରେ ମୁଖ୍ୟ ଅତିଥି ଭାବେ ପ୍ରଧାନ ଶିକ୍ଷକ କିଶୋର ଦାସ ଯୋଗଦେଇଥିବା ବେଳେ ରମେଶ ଚନ୍ଦ୍ର ଦୁର୍ଗା, ଅମିତ ଯୋଷୀ ପ୍ରମୂଖ ସମ୍ମାନୀତ ଅତିଥି ଭାବରେ ଯୋଗଦେଇଥିଲେ । ରାଷ୍ଠୀୟ ଯୁବ ସ୍ୱେଚ୍ଛାସେବୀ ଚରଣସିଂ ବାଗ କାର୍ଯ୍ୟକ୍ରମର ଉଦ୍ଦେଶ୍ୟ ବିଷୟରେ ମତ ପ୍ରକାଶ କରିଥିଲେ । ଏହି ଅବସରରେ ଦାବ୍ରିଗୁଡା ଗ୍ରାମର ବିଭିନ୍ନ ସ୍ଥାନରେ ସଫେଇ କରିବା ସହ ପ୍ରାୟ ୩୫ କେ.ଜି. ଅଚଳ ପ୍ଲାଷ୍ଟିକ ସଂଗ୍ରହ କରାଯାଇଥିଲା । କାର୍ଯ୍ୟକ୍ରମରେ ଚନ୍ଦ୍ର ଦୁର୍ଗା, ଆକାଶ ଦୁର୍ଗା, ରଂଜନ ନାଏକ, ରାହୁଲ ଛତ୍ରିଆ, ମୁକେଶ ଦୁର୍ଗା, ମନୋଜ ମାଝୀ, ଉମେଶ ନାଏକ, ଗଣେଶ ପାତ୍ର, ଆଲୋକ ଦୁର୍ଗା, ନିରଂଜନ ମାଝି, ଗୁଣନିଧି ନାଏକ, କରୁଣା ଦୁର୍ଗା ପ୍ରମୂଖ ଯୁବକ ଯୋଗଦେଇ ସହଯୋଗ କରିଥିଲେ ।
