କାଶିପୁର, (ଆଲାରାମ ଭତ୍ରା): ରାୟଗଡା ଜିଲ୍ଲା ଯୁବ ବିଜେଡି ସାଧାରଣ ସମ୍ପାଦକ ତଥା କାଶିପୁର ବ୍ଲକର ଜଣାଶୁଣା ସମାଜସେବୀ ସମାଜସେବୀ ହର ପ୍ରସାଦ ନାୟକ ଦଶମ ପରିକ୍ଷା ଦେବାକୁ ଯାଉଥିବା ଛାତ୍ରଛାତ୍ରୀମାନଙ୍କ ପାଇଁ ଏକ ବସ ର ବ୍ୟବସ୍ଥା କରି ନିଜର ବଦାନ୍ୟତା ଦେଖାଇଛନ୍ତି । ପ୍ରାପ୍ତ ସୂଚନା ଆଧାରରେ ଟିକିରି ଉଚ୍ଚ ବିଦ୍ୟାଳୟର ୫୬ଜଣ ଛାତ୍ରଛାତ୍ରୀ ଦଶମ ଶ୍ରେଣୀ ୧ମ ସାରାଂଶ ପରିକ୍ଷା ଦେବାକୁ ଗୋରଖପୁର ଉଚ୍ଚ ବିଦ୍ୟାଳୟ ଯିବାର ଥିଲା ।
ଛାତ୍ରଛାତ୍ରୀମାନଙ୍କ ଅସୁବିଧାକୁ ଦୃଷ୍ଟିରେ ରଖି ଶ୍ରୀ ନାୟକ ଏକ ବସ ଭଡା କରିଦେଇ ସମସ୍ତ ଖର୍ଚ୍ଚ ନିଜେ ବହନ କରିଛନ୍ତି । ଏହାସହ ସମସ୍ତ ଛାତ୍ରଛାତ୍ରୀଙ୍କୁ ମାକ୍ସ ଓ ସାନିଟାଇଜର ପ୍ରଦାନ କରିଛନ୍ତି । ସମାଜସେବୀ ଶ୍ରୀ ନାୟକଙ୍କ କାର୍ଯ୍ୟଧାରାକୁ ଅଞ୍ଚଳର ଜନସାଧାରଣ ଭୂୟସୀ ପ୍ରଶଂସା କରିଛନ୍ତି ।
