ସିଲିକନ୍ ଭେଲିର ମାଇକେଲ୍ ମୋରିଜ୍ ଓ ତାଙ୍କ ପତ୍ନୀ ହାରିଏଟ ହେମେନଙ୍କ ଦାତବ୍ୟ ଅନୁଷ୍ଠାନ କ୍ରାଙ୍କଷ୍ଟାର୍ଟ ବୁକର୍ ପ୍ରାଇଜର ନୂଆ ପ୍ରାୟୋଜକ ହେବେ ବୋଲି ବୁକର୍ ପ୍ରାଇଜ୍ ଫାଉଣ୍ଡେସନ୍ ପକ୍ଷରୁ ଘୋଷଣା କରାଯାଇଛି । ୧୮ ବର୍ଷ ଧରି ବୁକର୍ ପ୍ରାଇଜର ପ୍ରାୟୋଜକ ଥିବା ମେନ୍ ଗ୍ରୁପର ଚୁକ୍ତି ମିଆଦ ପୁରିବାର ମାସେ ପରେ ଏଭଳି ଘୋଷଣା ହୋଇଛି । ମେନ୍ ବୁକର୍ ଇଣ୍ଟରନେସନାଲ୍ ପ୍ରାଇଜ୍ ଘୋଷଣା ହେବା ପରେ ଆସନ୍ତା ୧ ଜୁନରୁ ନୂଆ ପ୍ରାୟୋଜକଙ୍କ କାର୍ଯ୍ୟକାଳ ଆରମ୍ଭ ହେବ । ଏହାପରେ ମୁଖ୍ୟ ପୁରସ୍କାର ‘ଦ ବୁକର୍ ପ୍ରାଇଜ୍’ ଏବଂ ଅନୁବାଦ ପୁରସ୍କାର ‘ଦ ଇଣ୍ଟରନେସନାଲ୍ ବୁକର୍ ପ୍ରାଇଜ୍’ ଭାବେ ପରିଚିତ ହେବ ।