କଳାହାଣ୍ଡି,୧୧/୪ : କଳାହାଣ୍ଡି ଜିଲ୍ଲା ରାଜନୀତିରେ ପ୍ରମୂଖ ଭୂମିକା ନେଉଥିବା ନର୍ଲା ନିର୍ବାଚନ ମଣ୍ଡଳୀ ମତଦାନ ପାଇଁ ଚଳଚଞ୍ଚଳ ହୋଇ ଉଠିଥିବା ବେଳେ ରାଜନୈତିକ ଆଲୋଚନାର ମୂଖ୍ୟ ପେଣ୍ଠସ୍ଥଳୀ କୁହାଯାଉଥିବା ନର୍ଲା କଲେଜ ଛକ ଆଜି ମଧ୍ୟାନ୍ନରେ ଶୁନସାନ ହୋଇପଡିଥିଲା । ନାମାଙ୍କନ ପତ୍ର ଦାଖଲର ପରଠାରୁ ଗତକାଲି ପର୍ଯ୍ୟନ୍ତ ନର୍ଲା ଚାରିଛକ ରାଜନୈତିକ ଆଲୋଚନାର ହାଣ୍ଡିଶାଳା ପାଲଟିଥିବାବେଳେ ଆଜି ସକାଳୁ ମଧ୍ୟାନ୍ନ ପର୍ଯ୍ୟନ୍ତ ସ୍ଥିତି ଭିନ୍ନଥିଲା । ପାଣ୍ଡା ଚା ଦୋକାନରେ ଖଟି ନଥିଲା କି ଶେଷ ପାନ ଦୋକାନରେ ଭିଡ ନଥିଲା । ଏଠାରେ ଏକାଠି ହେଉଥିବା ବିଭିନ୍ନ ବର୍ଗର ଲୋକେ ନିଜ ନିଜ ମତଦାନ କେନ୍ଦ୍ରକୁ ଯାଇଥିବା ବେଳେ ନେତା ଓ କର୍ମୀ ମାନେ ବୁଥରୁ ବୁଥ୍ କୁ ଘୁରିବୁଲୁଥିବା ଦେଖାଯାଇଛି । ତେବେ ଆଜି ସଂଦ୍ଧ୍ୟାରେ ନର୍ଲା ଚାରିଛକରେ ରାଜନୈତିକ ଖଟି ପୂର୍ବବତ୍ ଚଳଚଞ୍ଚଳ ହେବ ।
