ଓଡ଼ିଆ ବାର୍ତ୍ତା/ ଫୁଲନଖରା: ହରିଅନ୍ତା ଗ୍ରାମ ପଞ୍ଚାୟତ ଅନ୍ତର୍ଗତ ଶିଶୋ ଗ୍ରାମ ସ୍ଥିତ ଶ୍ରୀ ଶ୍ରୀ କଳ୍ପବଟ ମୂଳେ ପାରମ୍ପରିକ ବାର୍ଷିକ ଲଉଡି ଉତ୍ସବ ଅନୁଷ୍ଠିତ ହୋଇଯାଇଛି। ଏଥିରେ ଧାନମଣ୍ଡଳ, ୨୨ମୌଜା କୁଳସାହି, ରାଏ ରଘୁନାଥପୁର, ପୁରଣ, ହରିଅନ୍ତା ଓ ଅନ୍ଧୁଟି ଆଦି ୬ଟି ଲଉଡି ଗ୍ରୁପ୍ ଅଂଶ ଗ୍ରହଣ କରିଥିଲେ। ପ୍ରଭୁ ଶ୍ରୀ ଶ୍ରୀ ରାଧାମୋହନ ଦୋଳ ବିମାନ ବିଜେ ପରେ ଲଉଡି ନୃତ୍ୟ ପରିବେଷଣ ହୋଇଥିଲା। ଶିଶୋ ଯାଦବ ସଂଘ ସମ୍ପାଦକ ରଞ୍ଜନ ବେହେରା, ଯାଦବ ପ୍ରତିନିଧି ବୈକୁଣ୍ଠ ବେହେରା, ସରୋଜ ବେହେରା, ବୃନ୍ଦାବନ ବେହେରା, ମଧୁସୂଦନ ବେହେରା, ପ୍ରଭାକର ବେହେରା, ସୁଶାନ୍ତ ବେହେରା, ପରମାନନ୍ଦ ବେହେରା, ପ୍ରମୋଦ ବେହେରା ପ୍ରମୁଖ ସହଯୋଗ କରିଥିଲେ। ସଭାପତି ରାଧାକୃଷ୍ଣ ବେହେରା କାର୍ଯ୍ୟକ୍ରମ ପରିଚାଳନା କରିବା ସହ ଉପସ୍ଥିତ ସମସ୍ତ ଦଳ ଓ କର୍ମକର୍ତ୍ତା ମାନଙ୍କୁ ଆନ୍ତରିକ ଧନ୍ୟବାଦ ଜଣାଇ ଥିଲେ।
