ପୁରୀ,୩/୫: ପୁରୀରେ ଲେଣ୍ଡଫଲ୍ କରୁଛି ବାତ୍ୟା ଫୋନି। ସକାଳ ୮ଟାରୁ ଆରମ୍ଭ ହୋଇଥିବା ଲେଣ୍ଡଫଲ୍ ପ୍ରକ୍ରିୟା ସକାଳ ୧୧ଟା ଯାଏଁ ଚାଲୁ ରହିବ। ଏହା ପ୍ରଭାବରେ ପୁରୀରେ ସ୍ଥିତି ଭୟଙ୍କର ରହିଛି। ବାତ୍ୟାର ଆଖି ସ୍ଥଳଭାଗ ଛୁଇଁବାକୁ ଆଉ ଘଣ୍ଟାଏ ଲାଗିବ ବୋଲି ଆଶା କରାଯାଉଛି। ଲେଣ୍ଡଫଲ୍ କରିବାର ଚାରି ପାଞ୍ଚ ଘଣ୍ଟା ଯାଏଁ ଏହାର ବିଭୀଷିକା ଲାଗିରହିବ। ବିଶେଷକରି ପୁରୀ ଓ ଜଗତସିଂହପୁର ଜିଲ୍ଲା ଅଧିକ କ୍ଷତିଗ୍ରସ୍ତ ହେବ।

Omkar Vasthu

ଏବେ ପୁରୀରେ ଭୀଷଣ ବର୍ଷା ହେବା ସହ ୧୭୫ କି.ମି. ବେଗରେ ପବନ ବହୁଛି। ସମୁଦ୍ରର ଜୁଆର ସ୍ଥଳଭାଗ ଆଡକୁ ମାଡିଆସୁଛି। ସ୍ଥିତି ଭୟାବହ ରହିଛି। ପ୍ରଚଣ୍ଡ ପବନ ଓ ପ୍ରବଳ ବର୍ଷା ସନ୍ଧ୍ୟା ଯାଏଁ ଲାଗି ରହିବ। ସନ୍ଧ୍ୟାବେଳକୁ ପବନ କମି ଘଣ୍ଟା ପିଛା ୧୦୦ କି.ମି. ରହିବ। ଏହାପରେ ଆସନ୍ତାକାଲି ପବନ ସହ ବର୍ଷା ପରିମାଣ କମିବ ବୋଲି ସୂଚନା ମିଳିଛି।