ଓଡ଼ିଆ ବାର୍ତ୍ତା/ ଭୋଜପୁର: ଆପଣ ନିଶ୍ଚିତ ଭାବରେ ଅନେକ ସମୟରେ ଖବର ଶୁଣିଥିବେ ଯେ କିଛି ଡକାୟତ ବ୍ୟାଙ୍କ ଲୁଟିବାକୁ ଆସିଥିଲେ ଏବଂ ସେମାନେ ମଧ୍ୟ ଅସ୍ତ୍ରଶସ୍ତ୍ର ଦେଖାଇ ବ୍ୟାଙ୍କ ଲୁଟ କରିନେଲେ। ଅନେକ ଥର ଡକାୟତମାନେ ଲକ୍ଷ ଲକ୍ଷ ମୂଲ୍ୟର ବ୍ୟାଙ୍କଗୁଡ଼ିକୁ ଲୁଟ କରନ୍ତି, କିନ୍ତୁ ସେମାନଙ୍କ ହାତରେ ଥିବା ଅସ୍ତ୍ରଶସ୍ତ୍ର ଯୋଗୁଁ ସେଠାରେ ଉପସ୍ଥିତ ଲୋକମାନେ କିଛି କରିବା ପାଇଁ ସାହସ ମଧ୍ୟ ଦେଖାଇପାରନ୍ତି ନାହିଁ। କିନ୍ତୁ ବୁଧବାର ବିହାରର ଭୋଜପୁରରେ ଏକ ଅଦ୍ଭୁତ ମାମଲା ଦେଖିବାକୁ ମିଳିଛି। ଯେଉଁଠି ୫ ଡକାୟତ ବ୍ୟାଙ୍କ ଲୁଟିବା ଉଦ୍ଦେଶ୍ୟରେ ଯାଆନ୍ତି କିନ୍ତୁ ସେଠାରେ କିଛି ଘଟେ ଯାହା ସେମାନଙ୍କୁ ଖାଲି ହାତରେ ଫେରାଇବାକୁ ପଡିଛି। ଏହି ଘଟଣା ବିହାରର ଭୋଜପୁର ଜିଲ୍ଲାର ଘଟିଛି। ପାଞ୍ଚଜଣ ସଶସ୍ତ୍ର ଡକାୟତ ବୁଧବାର ଏଠାରେ ଏକ ବ୍ୟାଙ୍କ ଲୁଟିବାକୁ ଉଦ୍ୟମ କରିଥିଲେ। ହେଲେ ଠିକଣା ସମୟରେ ବନ୍ଧୁକ ଗର୍ଜିପାରିନଥିଲା। ତେଣୁ ସେମାନଙ୍କ ଉଦ୍ଦେଶ୍ୟରେ ସଫଳ ହୋଇପାରିଲେ ନାହିଁ। ମୁହଁରେ ମାସ୍କ ପିନ୍ଧି ସଶସ୍ତ୍ର ଡକାୟତମାନେ ବୁଧବାର ଅପରାହ୍ନରେ ଶାହପୁର ଥାନା ପରିସରର ଥିବା ବିହାର ଗ୍ରାମୀଣ ବ୍ୟାଙ୍କର ଶାଖାରେ ପ୍ରବେଶ କରିଥିଲେ। ବନ୍ଧୁକ ମୁନରେ ସେମାନେ ବ୍ୟାଙ୍କ କର୍ମଚାରୀ ଏବଂ ଗ୍ରାହକଙ୍କୁ ଅଟକ ରଖିଥିଲେ। ଏହି ସମୟରେ ଜଣେ ଡକାୟତ ନଗଦ ଟଙ୍କା ଭରିବା ପାଇଁ କ୍ୟାସିଅରକୁ ଖାଲି ବ୍ୟାଗ ଦେଇଥିଲା। ଯେତେବେଳେ କ୍ୟାସିୟର ମନା କରିଦେଲେ, ଜଣେ ଡକାୟତ ତାଙ୍କ ଉପରକୁ ଗୁଳି ଚଳାଇଥିଲେ, କିନ୍ତୁ ବନ୍ଧୁକ ଫୁଟିନଥିଲା। ଏହା ପରେ ଅନ୍ୟ ଜଣେ ଡକାୟତ ମଧ୍ୟ କ୍ୟାସିୟରଙ୍କ ଉପରକୁ ଗୁଳି ଚଳାଇବାକୁ ଚେଷ୍ଟା କରିଥିଲେ କିନ୍ତୁ ତାଙ୍କ ବନ୍ଧୁକରୁ ମଧ୍ୟ ଗୁଳି ବାହାରି ପାରି ନଥିଲା। ପରେ ବ୍ୟାଙ୍କ କର୍ମଚାରୀ ଓ ଗ୍ରାହକଙ୍କ ଆକ୍ରୋଶର ଶିକାର ହେବା ପୂର୍ବରୁ ଡକାୟତମାନେ ଘଟଣାସ୍ଥଳରୁ ଚମ୍ପଟ ମାରିଥିଲେ। ଏହାପରେ ବ୍ୟାଙ୍କ କର୍ମଚାରୀମାନେ ଡକାୟତି ଉଦ୍ୟମ ସମ୍ପର୍କରେ ସ୍ଥାନୀୟ ଥାନାକୁ ସୂଚନା ଦେଇଥିଲେ। ପୋଲିସ ଏବେ ୫ ଜଣ ଅଜ୍ଞାତ ଡକାୟତଙ୍କ ବିରୋଧରେ ଏଫଆଇଆର ରୁଜୁ କରିଛୁ ଏବଂ ସେମାନଙ୍କୁ ଚିହ୍ନଟ କରିବା ପାଇଁ ଉଦ୍ୟମ ଚାଲିଛି ବୋଲି ଶାହପୁର ଥାନାର ଜଣେ ଅଧିକାରୀ କହିଛନ୍ତି।
