ଓଡ଼ିଆ ବାର୍ତ୍ତା/ ନୂଆପଡା (ମହେନ୍ଦ୍ର ବାଗ): ନୂଆପଡ଼ା ଜିଲ୍ଲାର ଦୁଇ ବିଜେଡି ନେତା ବିଜେଡି ରାଜ୍ୟ ସମ୍ପାଦକ ଭାବେ ମନୋନୀତ ହୋଇଛନ୍ତି । ନୂଆପଡାର ସରୋଜ ସାହୁ (ଭୈରବ ସାହୁ) ଏବଂ ଖରିଆର ରୋଡର ରାଜେଶ ନିଗମଙ୍କୁ ବିଜେଡି ରାଜ୍ୟ ସମ୍ପାଦକ ଭାବେ ମନୋନୀତ କରିଛି । ବର୍ତ୍ତମାନ ଶ୍ରୀ ସାହୁ ନୂଆପଡା ଜିଲ୍ଲା କ୍ରିକେଟ ସଂଘ ସାଧାରଣ ସମ୍ପାଦକ ଦାଇତ୍ୱ ତୁଲାଇ ଥିବା ବେଳେ ପୂର୍ବରୁ ସେ ଓଡିଶା କ୍ରିକେଟ ସଂଘର ଉପ ସଭାପତି ଥିଲେ ଏବଂ ବିଜେଡି ରାଜ୍ୟ ସମ୍ପାଦକ ମଧ୍ୟ ଥିଲେ । ସେହିପରି ଭାବେ ବିଜେଡି ନେତା ରାଜେଶ ନିଗମ ପୂର୍ବରୁ ନୂଆପଡା ଜିଲ୍ଲା ବିଜୁ ଯୁବ ଜନତା ଦଳର ସଭାପତି ଥିଲେ । ଏହି ସୂଚନା ମିଳିବା ପରେ ଉଭୟ ବିଜେଡି ନେତାଙ୍କୁ ନୂତନ ପଦବୀ ପାଇଁ ଅନେକ ରାଜନେତା, ସାମାଜିକ ସଂଗଠନ, ଦଳୀୟ କର୍ମୀ, ସମର୍ଥକ ଓ ସ୍ଥାନୀୟ ଲୋକ ଶୁଭେଚ୍ଛା ଜଣାଇଛନ୍ତି ।
