ଓଡ଼ିଆ ବାର୍ତ୍ତା/ କଳାହାଣ୍ଡି (ନବୀନ କିଶୋର ସାହୁ/ ନିଲେଶ କୁମାର ନାଗ): କଳାହାଣ୍ଡି ଜିଲ୍ଲା ଲାଞ୍ଜିଗଡ଼ ବ୍ଲକ ଖଜୁରିଗୁଡାଠାରେ ସ୍ଵେଚ୍ଛାସେବୀ ଅନୁଷ୍ଠାନ ସାଇଟସେଭର ଓ କଳାହାଣ୍ଡି ଦିବ୍ୟାଙ୍ଗ ମଞ୍ଚ ମିଳିତ ଉଦ୍ୟମରେ ଦିବ୍ୟାଙ୍ଗ ମାନଙ୍କ ନିମନ୍ତେ ଏକ ସାମାଜିକ ସୁରକ୍ଷା ଯୋଜନା ସଚେତନତା ଏବଂ ଆଧାର ଶିବିର ଅନୁଷ୍ଠିତ ହୋଇଯାଇଛି। ଆୟୋଜିତ ଶିବିରରେ ମୁଖ୍ୟ ଅତିଥି ଭାବେ କୁମଖାଲ ସରପଞ୍ଚ ସନ୍ଧୁ ମାଝୀ ଯୋଗ ଦେଇଥିବା ବେଳେ ଜିଆଏସ ଲକ୍ଷ୍ମଣ ମାଝୀ, ସାଇଟସେଭର ଅନୁଷ୍ଠାନର ପ୍ରିୟବ୍ରତ ପାଢ଼ୀ, କଳାହାଣ୍ଡି ଦିବ୍ୟାଙ୍ଗ ମଞ୍ଚର ରୁପାଧର ସାହୁ, ଅଗସ୍ତି ମାଝୀ ଓ ଲାଞ୍ଜିଗଡ଼ ବ୍ଲକର ଲକ୍ଷ୍ମୀକାନ୍ତ ମାଝୀ ଉପସ୍ଥିତ ଥିଲେ । ଏଥିରେ ୨୦ ଜଣଙ୍କ ଆଧାର ଅପଡେଟ ଏବଂ ୧୭ ଜଣଙ୍କ ଆଧାର ସଂଶୋଧନ କରାଯାଇଥିଲା । କାର୍ଯ୍ୟକ୍ରମ ପରିଚାଳନାରେ ଗାଁ ସାଥିମାନେ ସହଯୋଗ କରିଥିଲେ ।
